Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 135

Brut y Brenhinoedd

135

a|ỽnaeth custennyn uot yndaỽ uonhed
maỽr. a|dylyet. ac ymrodi a|oruc y|ha+
elder. a daoni. a gỽneuthur iaỽnder y*
yn|y arglỽydiaeth. ac ymdangos ual
lleỽ dyỽal creulaỽn y|rei drỽc. a|megys
oen gỽaredaỽc y rei da. a* Ac yn|yr a
amser hỽnnỽ yd oed gỽr creulaỽnn
cadarn yn amheraỽdyr yn rufeinSef oed
y enỽ Maxen. a|r bonhedigyon a estyg+
hei ef o sened rufeinac eissoes sef a|oruc
y|rei hynny gỽedy eu dehol o|r creulaỽn
hỽnnỽ o|tref eu tat. a|e dylyet. dyuot
at custennyn hyt yn ynysprydeinac ynteu a|e
haruolles ỽynt yn llaỽen. a|gỽedy dy+
uot llaỽer o·nadunt at custennin. a|me+
negi y|trueni idaỽ. a|e gyffroi a|ỽnaethant
yn erbyn y|creulaỽn amheraỽdyr hỽnnỽ.
gann gỽynaỽ ỽrthaỽ y|halltuded o adaỽ
tref y|tat. ac annoc goresgyn maxen
a|e dehol ynteu. kanys o|genedyl rufein y+
d|hanoed custennin. ac nat oed a|e dylyei