Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 133

Brut y Brenhinoedd

133

kymerth coron y teyrnnas. a gỽedy me+
negi hynny y|sened rufein. llaỽenhau a|ỽn+
aethant o agheu y|brenhin. a gynnhyrd+
uaỽd eu harglỽydiaeth. ac odyna an+
uon a|ỽnaethant Constans senadỽr y|gỽr
a|orchyuygassei yr yspaen ỽrth ruuein.
Gỽr kadarnn gleỽ oed hỽnnỽ. a|phann
gigleu Coel brenhin y|bryttannyeit
bot   y gỽr hỽnnỽ yn dy  ̷+
uot   ynysprydeinOuynhau a|or+
uc   ymlad ac ef. Cann
  klyỽyssei nat oed
neb   a|allei ỽrthỽynebu idaỽ.
a|phann   doeth constans y|r tir anuon
a|ỽnaeth coel attaỽ y|erchi tagneued ac
y rodi darestỽgedigaeth idaỽ o ynysprydein. gan
adu y coel y|urenhinaeth. a|thalu eu
teyrynget y|ỽyr rufeinac yna y|rodes  ̷ ̷
constans tagneued udunt. ac y|kymer+
th gỽystlon ar hynny. a|chynn penn y
mis gỽedy hynny y|cleuychỽys Coel.