Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 107

Brut y Brenhinoedd

107

dỽyt yg|kaer euraỽc gann urenhinaỽl
A |Gỽedy marỽ casỽallawn [ arỽylant.
y|gỽnaethpỽyt teneuan uab llud
yn urenhin. canys auarỽy a|r a  ̷+
thoed y|r ruuein gyt ac ulkassar. a|hỽn+
nỽ a traethỽys y|teyrnas trỽy hedỽch. a
iaỽnder. Gỽr deỽr oed teneuan. ac a|ga+
rei gadỽ tagneued. llyma yr amsser
y ganet crist an harglỽyd ~
A  Gỽedy marỽ teneuan y|gỽnae+
thpỽyt kynuelyn y|uab ynteu
yn urenhin. Marchaỽc gỽychur
oed hỽnnỽ. ac ulkassar a|e magassei. ac
a|e hurdassei yn arueu. ac a|e dyssgassei
ym milỽryaeth. a chymeint uu garyat
gỽyr ruuein gann y|gỽr hỽnnỽ ac y|talei
ef eu teyrnnget udunt o|e uod hep oruot
y|erchi na|e gymell. a|r amser hỽnnỽ y
ganet yr arglỽyd iessu grist holl·gyuoe+
thaỽc. o|r arglỽydes ueir diỽeir ỽyry uen+
digeit y|gỽr a|brynnỽys y|cristonogyon yr