Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 103

Brut y Brenhinoedd

103

hỽy yr aỽr honn yn ffoedigyon racdaỽ
ac eissoes yn gỽrthỽynebu idaỽ yn ỽr+
aỽl. ac yn diodef agheu dros eu gỽlat
a throstunt e|hun. ac ympenn yr eil d
dyd gỽedy gỽarchae casỽallaỽn a|e lu
ympenn y mynyd hỽnnỽ. ac nat oed
na bỽyt na diaỽt. ouynhau a oruc cas+
ỽallaỽn rac neỽyn o|uot yn reit idaỽ
ymrodi yg|karchar ulkassar. Sef y cauas
yn|y|gyghor anuon at auarỽy y|erchi
idaỽ tagneuedu ac ulkassar rac colli o|e
genedyl teilygdaỽt y|teyrnnas gỽedy
darffei daly casỽallaỽn. a|mynegi a or+
uc idaỽ kyt·ryuelei ef ar talym ac a+
uarỽy y|r ystỽg a|e gosbi. na mynei ef
y agheu yr hynny. ac yna y dyỽat a+
uarỽy. nat oed haỽd caru tyỽyssaỽc
a|uei gỽar ar ryuel megys oen. ac a
uei creulaỽn megys lleỽ ar yr hedỽch.
yr aỽr honn y|m|gỽediaỽ. i. y|gỽr a oed
arglỽyd arnaf inheu gynnheu. Yr aỽr