Breudwd Rhyddiaith Gymraeg 1300-1425
English

LlGC Llsgr. Peniarth 45 – tudalen 59

Brut y Brenhinoedd

59

y doeth Meiryaỽn. Ac yn ol meiraỽn y doeth
bleidud. Ac yn ol bleidud y doeth Caph. Ac
yn ol caph y doeth owein. Ac yn ol owein
y doeth seissyll. Ac yn ol seissyll Blegyỽ+
ryt. Ac ny bu yn|yr oessoed ny bu kany+
adỽr kystal ac ef. Ac rac daet y canei y
gelwit duỽ yr gwaryeu. Ac yn|y ol ef
y doeth arthuael y uraỽt. Ac yn|y ol yn+
teu eidol. Ac yn ol eidol rydyon ac yn ol
rydyon Ryderch. Ac yn|y ol ynteu sawyl
pen issel. Ac yn|y ol ynteu pyrr. Ac odyna
capoir. Ac yn ol capoir y doeth manogan
y uab. Gỽr prud hynaỽs oed hỽnnỽ. Ac
yn ol manogan Beli maỽr y uab ynteu.
A deugein mlyned y bu urenhin yn ynys
prydein. Ac y hỽnnỽ y bu tri meib. llud.
A|chaswallaỽn a nynyaỽ. Ac gỽedy marỽ
Beli y gỽnaethpỽyt llud y uab yn urenin.
y gỽr a uu wedy ogynedus adeilaỽdyr ca+
yroed a dinassoed. Ef a adeilỽys muroed
llundein a|e thyroed. A chet bei llawer idaỽ o
dinassoed ereill. hỽnnỽ a carei eissoes yn
uỽy no|r un. Ac ỽrth hynny y gelwit caer
lud. Ac gỽedy hynny trỽy lygru y henỽ y
gelwit llundein. A phan uu uarỽ y cladỽyt