Breudwd Rhyddiaith Gymraeg 1300-1425
English

LlGC Llsgr. Peniarth 45 – tudalen 32

Brut y Brenhinoedd

32

Gereint. Run. Asser. Hywel. Sef oedynt y
uerchet. Gloeỽgein. Jgnogen. Eudaỽs. G+
wenllian. Gwaỽrdyd. ygharat. Gwendo+
leu. Tanghỽystyl. Gorgon. Medlan. Metha+
el. Ourar. Maelure. Camreda. Ragaỽ G*
Gwael. Ecub. Nest. Kein. Stadud. Ebre
Blangen. Auallach. Angaes. Galaes. Te+
kaf morỽyn oed honno yn un oes a hi. Gueir+
uyl. Perweur. Eurdrec. Edra. Anor. sta+
ydallt. Egron. A rei hynny oll a anuones ef+
raỽc hyt at siluius y gar oed yn yr eidal. Ac y ro+
det yno y wyr bonhedic dyledaỽc. ar meibon
a aethant y germania ac asser yn tywyssa+
ỽc arnadunt a phorth y gan siluius gantu
ac y goresgynassant a hi a|e phobyl a Bry+
tus taran las a trigyỽys yn yr ynys hon
ỽrth lywyaỽ y kyuoeth y dat a deudeng mlyn+
ed y gỽledychỽws ynteu Brut wedy hynny
AC yn ol Brut y doeth lleon y uab Gỽr a g+
arỽws hedỽch uu hỽnnỽ. Ac gỽedy gwel+
et o·honaỽ y gyuoeth yn tagnheuedus yd ade+
ilỽys dinas yg gogled yr ynys hon ac y|gelw+
is o|e enỽ e|hun caer lleon ac yn diwed y oes y
llesgỽys. Ar amser hỽnhỽ y dechreuis selyf
ap dauyd adeilat temyl yg caerusalem Ac