LlGC Llsgr. Peniarth 45 – tudalen 299
Trioedd Ynys Prydain
299
pob sadỽrn rac llad y sul yr un. ~ ~
Teir anuat gyulauan. ynys. prydein. Eidyn
mab. einygan. A|ladaỽd aneiryn gwa+
ỽdrud mechderyn beird. A|llaỽgat
trỽmbargaỽt. A|ladaỽd auaon. mab.
talessin. A llouan llaỽ dino. A lada+
ỽd vryen. mab. kynuarch. Teir an+
uat uỽyellaỽt. ynys. prydein. bỽyellaỽt eidyn
ym pen aneiryn. Ar uỽyellaỽt ym
pen godlan bard. Ar uỽyellaỽt ym
pen iago. mab. beli. Tri chyuor
a aeth o|r ynys hon. Ac ny doeth yr
un dracheuyn o·nadunt. Un a aeth
gan helen luydaỽc a chynan y braỽt.
Eil a aeth gan yrp luydaỽc yn oes
cadyal. mab. erynt. a doeth yma y er+
chi kymorth. Ac nyt archei o bob prif+
gaer namyn deu kymeint ac a|del+
hei gantaỽ idi. Ac ny doeth gantaỽ
yr gyntaf namyn ef a|e was. Ac
ardustru uu rodi hynny idaỽ. A|hỽn
eissoes llỽyraf lluyd a aeth o|r ynys hon
uu. Ac ny doeth dracheuyn neb o·na+
dunt. Sef lle y trigyỽys y gwyr
hynny. yn dỽy ynys yn ymyl mor
groec. Sef ynt y dỽy ynys. Gals. Ac
auena. Trydyd kyuor a aeth gan
| « p 298 | p 300 » |