Breudwd Rhyddiaith Gymraeg 1300-1425
English

LlGC Llsgr. Peniarth 45 – tudalen 277

Brut y Brenhinoedd

277

hỽy yn amdiffyn dim namyn y heneit a|e
kenedyl. A thranoeth kyrchu eu gelynyon yn
herwyd eu fyd. A goruot a wnaethant y dyd
hỽnnỽ ar peanda a|e lu. Ac gỽedy clybot hyn+
ny O catwallaỽn. llidyaỽ a oruc ac ymlit Oswallt
ac gỽedy  y odiwes yn|y lle a elwir bỽr+
nei y lladaỽd peanda Oswallt urenhin. ~
AC gwedy llad Oswallt y doeth Oswi ael+
wyn yn urenin. y uraỽt. A chynnullaỽ a|wna+
eth hỽnnỽ eur ac aryant a|thlysseu a|e rodi
y Catwallaỽn. y gỽr oed oruchel urenin. ar ynys. prydein.
oll. A gỽrhau idaỽ. Ac y·uelly tangnouedu ac ef.
Ac Odyna y  kyuodes yn erbyn Oswi deu
nyeint idaỽ ueibon y uraỽt. Sef oed eu henỽ
aluryt. Ac Odwalt. Ac gỽedy na allyssant dim
yn|y erbyn. y doethant at peanda y erchi nerth
idaỽ y uynet trỽy humyr ar torr Oswi aelwyn
ac ny llauassỽys peanda hynny heb ganyat Cat+
AC gỽedy oedi hynny o·honaỽ [ wallaỽn.
hyt y sulgwyn. Daly a wnaeth Catwallaỽn.
yn llundein a gwisgaỽ coron  teyrnas ynys. prydein.
am y penn. A holl tywyssogyon kymry a saesson
a doethant yr llys namyn Oswi aelwyn e|hun.
Ac yna y doeth peanda at Catwallaỽn. y ouyn i+
daỽ pa ham na dothoed oswi yr llys a phaỽb