Breudwd Rhyddiaith Gymraeg 1300-1425
English

LlGC Llsgr. Peniarth 45 – tudalen 273

Brut y Brenhinoedd

273

y collassant tref eu tat a|e gỽlat Canys
duỽ oed yn mynnu dial eu pechodeu arna+
dunt. Ac eissoes teilỽng oed pei duỽ a at+
tei keissaỽ kynydu breint udunt drache+
uyn. A bỽrỽ gwaratwyd y ỽrth an priaỽt
genedyl. Ac y ỽrthyf uinheu uu hun. A hy+
ach yd archaf ui dy canhorthỽy di noc arall
Canys yr un gorhendat a|uu in yn deu. Ma+
elgỽn gỽyned oed hỽnnỽ Goruchel urenin.
ynys. prydein. a|uu pedweryd brenin. gwedy arthur.
A deu uab a|uu idaỽ. Sef oed eu henweu
Einyaỽn. A run. Ac y einon y bu uab. Be+
li. y Beli y bu uab iago. y Jago y bu. mab.
Catuan uyn tat inheu. Ar un gỽedy
marỽ Einaỽn a|e dihol ef o|r saesson a doeth
hyt y wlat hon. Ac a|rodes y uerch y hywel
uychan. mab. hywel. mab. emyr llydaỽ. Ac yr
uerch honno y bu alan. mab. hywel uychan
ac y alan y bu uab hywel dy dat titheu y
gỽr a|uu ryuelỽr ar freinc tra uu uyỽ a hyn+
AC yno y trigyỽs Cat +[ ny yn ỽraỽl.
wallaỽn y gayaf hỽnnỽ. Ac y danuon+
assant Breint hir parth ac ynys. prydein. y syllu
a damweineu* duỽ idaỽ caffel llad pelis enwir
dewin etwin. Mal y bei haỽs y Catwallaỽn