Breudwd Rhyddiaith Gymraeg 1300-1425
English

LlGC Llsgr. Peniarth 45 – tudalen 259

Brut y Brenhinoedd

259

AC yn nessaf y hỽnnỽ y doeth mael+
gỽn gỽyned yn urenin. ar holl ynys
prydein. Ac o|r a uu tekaf gwas oed uaelgỽn
Cadarn oed ym milỽryaeth. Hael oed am
rodyon. Ac eglurhaf oed no neb. Pei na
sodei ym pechaỽt sodoma. Ac achos hyn+
ny atkas uu gan duỽ. Maelgỽn eisso+
es a cauas coron y teyrnas. Ac ef a oress+
gynnỽys y chwech ynys yn gyntaf brenin.
gỽedy arthur ỽrth ynys. prydein. Nyt amgen. J+
werdon. Ac islont. a godlont. ac Orc. a
llychlyn a denmarc. Ar rei hynny trỽy cre+
ulaỽn ymladeu a oresgynỽys. Ac o|r diwed
yd aeth y myỽn eglỽys ger llaỽ y kastell
e|hun yn dyganhỽy ac yno y bu uarỽ; ~
AC yn nessaf y uaelgỽn y doeth kere+
dic yn urenin. ar ynys. prydein. Gỽr oed hỽn+
nỽ a carei teruysc yn ormod y·rỽg y kyt+
aỽtwyr e|hun. Ac am hynny cas uu ef
gan duỽ a chan y teyrnas. Ac gỽedy
gỽybot o|r saesson hynny anuon a wna+
ethant at Gotmỽnt urenin. yr affric a+
thoed a|llynghes gantaỽ y oresgyn iwer+
don. Ac yna trỽy urat y saesson y doeth
Gotmỽnt yr alban yr tir. A|thrugein