LlGC Llsgr. Peniarth 45 – tudalen 209
Brut y Brenhinoedd
209
digyon o newyd. Ac y peris gossot cỽuen+
hoed credyfus yndunt y talu gwassana+
eth dỽywaỽl yn herwyd y fyd glan cath+
olic. Ar dyledogyon ar daroed yr saesson
y diwreidyaỽ gossot paỽb yn|y dylyet a|e
AC yno yd oedynt tri broder [ uedyant.
a hanoedynt o urenhinaỽl dylyet. Sef
oed y rei hynny. lleu uab kynuarch ac
vryen uab kynuarch. Ac araỽn uab kyn+
uarch. Ar rei hynny a|dylyei tywyssoga+
eth y gỽladoed hynny. Ac oed yndunt kyn
y goresgyn o|r saesson. Ac yna y rodes arthur
y araỽn uab kynuarch brenhinaeth yscot+
lont. Ac y leu uab kynuarch y rodes iarlla+
eth lodoneis ac a perthynei ỽrthi Canys
er yn oes emreis wledic y rodyssit anna
uerch uthur pendragon chwaer arthur
yn wreic idaỽ yr hon oed uam walchmei
a medraỽt. Ac y rodes y uryen uab kyn+
uarch reget y dan y theruyn. Ac gỽedy
lluneithu pob peth a dỽyn yr ynys ar hen
teilygdaỽt a rodi y paỽb y dylyet. y kym+
yrth y brenhin wreic a hanoed o dyledogy+
on ruuein. Gwenhỽyfar oed y henỽ. Ac
yn llys cadỽr iarll kernyỽ y magydoed. ~
| « p 208 | p 210 » |