Breudwd Rhyddiaith Gymraeg 1300-1425
English

LlGC Llsgr. Peniarth 45 – tudalen 167

Brut y Brenhinoedd

167

a|e caỽssant. Ac ỽrth hynny na uydỽn nin+
heu waeth cristonogyon no|r iddewon. O+
ny rodỽn udunt trugared. llydan ac ehang
yỽ ynys. prydein. A llawer yssyd o·honi yn diffeith
heb neb yn|y chyuanhedu. Ac ỽrth hynny ro+
dher trugared udunt. A rann o|r ynys yỽ chyuan+
hedu gan arwein tragywydaỽl keithiwet y
danam ninheu. Ac ar y kynghor hỽnnỽ y trigas+
sant. Ac odyna o angreiff Octa. y doeth ossa
ar saesson ereill y keissaỽ trugared ac y caỽs+
sant. Ac yna y rodet udunt yscothlont ac y
cadarnhaỽyt kyngreir y·rydunt.
AC gỽedy goruot o Emreis ar y saesson. y
gelwis attaỽ ieirll a|barỽneit a marchogy+
on urdaỽl ar esgyb ar yscolheigyon o|r holl teyr+
nas hyt yng kaer efraỽc. Ac erchi udunt at+
newydhau yr eglỽysseu ar daroed yr saesson
eu distryỽ. Ac yna y kymyrth y brenhin ar
y cost e|hun atnewydhau pob eglỽys trỽy y ky+
 uoeth. Ac ym penn y pymthec·uet
 dyd gỽedy gossot seiri a gweithwyr
ỽrth yr eglỽysseu. y kychwynnỽys y brenhin
parth|a llundein yr lle heuyt nyt arbedassei
y saesson. A doluryaỽ a wnaeth y brenhin ac
erchi udunt atnewydhau eu dinas a|e heglỽys+
seu. Ac yna y mynnỽys ef atnewydhau y