LlGC Llsgr. Peniarth 45 – tudalen 160
Brut y Brenhinoedd
160
pob ryỽ estraỽn genedyl yno y disgynnyt*
yn gyntaf. Ac o kedernyt y lle hỽnnỽ yd
anreithynt y gỽladoed ac y lledynt y kyỽ+
daỽtwyr. Ac gỽedy clybot o emreis fo y sa+
esson hyt yno. Ehouynach uu ynteu a|the+
bygach gantaỽ gallu goruot arnadunt. ~
Ac gỽedy kynnullaỽ mỽyhaf a|gauas. kych+
wyn a oruc parthar gogled yn ol y saesson;
A thra ydoed yn kerdet y gỽladoed y gwelei
gỽedy yr losgi ac yn diffeith o|e chyỽdaỽtwyr
a doluryaỽ a wnaeth achos hynny. Ac yn uỽy+
haf achos yr eglỽysseu gỽedy y dystryỽ hyt
y dayar. Ac addaỽ a oruc ynteu eu gỽneuthur
o newyd os duỽ a rodei idaỽ ef y uudugolaeth
AC yna pan gigleu hengist hynny. Ga+
lỽ y leỽder attaỽ ac annoc y gedymdeith+
on y seuyl* yn ỽraỽl yn erbyn Emreis. A dy+
wedut nat oed gantaỽ namyn
ychydic o uarchogyon o lydaỽ
ac nat oed uỽy eu rif no deng
mil. Ac ny dodei ynteu
uessur ar wyr ynys. prydein.
Canys yn uynych y gochy*+
uygassei. Ac yn uỽy y ni+
uer no llu emreis Canys
deu can mil o wyr aruaỽc oed
| « p 159 | p 161 » |