Breudwd Rhyddiaith Gymraeg 1300-1425
English

LlGC Llsgr. Peniarth 45 – tudalen 154

Brut y Brenhinoedd

154

y ffrowyll y gantaỽ a|lauuryant wynteu. y
gan yr eithaf yd angreiffir. ymchoelut a
wnant pob eilwers eu hỽynebeu. yny uriỽ+
hont wennỽynic chwerthin. y hỽnnỽ y dynes+
sa dywalder yr alban. yr hỽnn yd|ymdywyn+
nyc y sarff draegeuyn. Hỽnnỽ a|orffowys y
ymchoelut y dayar ỽrth ymdywynnygu o|r y+
deu. llauuryaỽ a wna y sarff y ellỽng gwenỽ+
yn ual na delhont llysseuoed yn|yr ydeu. O+
dyna deu a ymlynant y teyrnwialen o rei y gỽas+
sanaetha y dreic coronyaỽc. Odyna y daỽ ar+
all yn hayarn. Ac y marchoca ssarff a ehetto
yny bo noeth y geuyn yd eisted. Ac o|e deheu
losgỽrn y kyffry y moroed. Oe lef ef y kyff+
roant ouyn eilweith. Odyna y daỽ nebun tin+
pan a|thelyn. Ac a glaerhaa  dywalder y lleỽ; ~
ỽrth hynny y tangneuedant kenedloed y teyr+
nas ar lleỽ. Ac y uantaỽl y galwant. yn|y gyf+
leedic eistedua y llauurya y|dyrchauel. y dỽy+
laỽ hagen a estyn ar yr alban. ỽrth hynny y
tristaant kymydeu y gogled. A drysseu y tem+
leu a agorir. y serenaỽl bleid a|hebrỽng toruo+
ed. Ac o|e achos ef kernyỽ a|rỽym. y hỽnnỽ y
gỽrthỽyneppa y marchaỽc yn|y kerbyt yr
hỽnn a symut y pobyl yn uaed coet. ỽrth hyn+