Breudwd Rhyddiaith Gymraeg 1300-1425
English

LlGC Llsgr. Peniarth 45 – tudalen 144

Brut y Brenhinoedd

144

tyngant idaỽ. A gỽladoed ffreinc a uedaỽt. Ty
ruuein a cỽyn y dywalder ef. A|e diwed a|uyd pe+
drus. yng geneu y pobloed yd enrydedir. A|e we+
ithredoed a|uyd bỽyt yr a|e datcano. y chwech
gỽedy ef a ymlynant y teyrnwialen. Ac gỽedy
wynteu y kyuyt pryf germania. y moraỽl bleid
a|dyrcheif hỽnnỽ. yr hỽnn a gedymdeithocaa llỽ+
yneu yr affric. y creuyd a dileir eilweith. A symu+
dedigaeth yr eisteduaeu a|uyd. Teilyngdaỽt llun+
dein a ardurnocaa caer geint. A bugeil caer efra+
ỽc a|uynychaa y teyrnas lydaỽ. Mynyỽ a wisgir
o uantell caer llion. A phregethỽr iwerdon a|uyd
mut o achos mab yng callon y uam. Ef a|daỽ gl 
gwaet. A girat newyn a|liỽha y rei marwaỽl.
Pan delhont y petheu hynny y dolurya y dreic  
yny bo llithredic llauur y grymhaa. yna y bryssy 
direidi y dreic wenn. Ac adeiladeu y gardeu a diwr +
idir. Seith dygaỽdyr teyrnwialen a ledir ac un
onadunt a|uyd  sant. Gỽr euydaỽl trỽy  w +
ryon o amseroed ar uarch euydaỽl a|geidỽ pyrth ll +
dein. Odyna yd|ymchoel y dreic wenn yn|y phrio+
dolyon deuodeu. Ac yndaỽ e|hun y llauurya y dyw +
hau. ỽrth hynny y|daỽ dial yr holl gyuoethaỽc
Canys pob tir a tỽyll y amaeth. Marwolaeth  
cribdeilha y pobyl. Ar kenedloed a diffrỽyth 
gwedillon a adaỽant eu ganedic dayar. Ac  +