Breudwd Rhyddiaith Gymraeg 1300-1425
English

LlGC Llsgr. Peniarth 45 – tudalen 139

Brut y Brenhinoedd

139

kedernyt y gantaỽ yd ellyngỽyt. Ac gwedy
gwelet o Gortheyrn y truan aerua honno
y gan yr sgymun* pobyl. kilyaỽ a wnaeth
ynteu partha* ac emyleu kymry Cany ỽyd+
at beth a wnai yn erbyn y saessoN; ~
A Galỽ a wnaeth holl doethyon yr ynys
a gouyn udunt beth a wnai ỽrth hynny
ac yna y kynghoret idaỽ adeilat castell yn|y
lle cadarnaf a gaffei megys y bei hỽnnỽ yn
amdiffyn idaỽ can collassei oll y lleoed cadarn
o|e gyuoeth. Ac gỽedy crỽydraỽ y keissaỽ
y ryỽ le hỽnnỽ; o|r diwed y doeth hyt ymy+
nyd eryri. Ac gỽedy cael lle y bu adas gan+
taỽ gỽneuthur y castell. kynnullaỽ a wna+
ethpỽyt holl seiri mein a|phren o|r a allỽyt
eu caffel a|e dỽyn yno. Ac gỽedy gossot y
grỽndwal o·nadunt. kymeint ac a|wnelynt
y dyd o|r gweith; Tranoeth y deruydei yr da+
yar y lyncu heb ỽybot dim y ỽrthaỽ. Ac gỽe+
dy menegi hynny y ỽrtheyrn. Gouyn a wna+
eth ef y dewinyon beth a wnai hynny. ~
Ac yna yd erchis y dewinyon idaỽ keissaỽ
mab heb dat idaỽ a|llad hỽnnỽ. A chymys+
gu gwaet y mab ar calch ac iraỽ y mein
ar calch ar gwaet gwaet* hỽnnỽ a dineu y
gwaet yn|y grỽndwal hyt pan sauei y gỽe+
ith y·uelly. Ac yna yd anuonet y bob le y