Breudwd Rhyddiaith Gymraeg 1300-1425
English

LlGC Llsgr. Peniarth 45 – tudalen 117

Brut y Brenhinoedd

117

uỽrỽ ergydyeu yn eu plith. Ac o uỽrỽ
bacheu gỽrthuinyaỽc ỽrth linyneu ac
y·uelly tynnu y truein uilein llu o|r kes+
tyll ar keyryd hyt y llaỽr. A|thrỽy am+
ryỽ poeneu y gorffenynt eu hangheu. A
digaỽn o didanỽch oed gan y neb a gaffei
y ryỽ angheu hỽnnỽ; Rac y ryỽ amraual
poeneu a welynt y wneuthur ar eu kereint
yn eu gỽyd. O wi a|duỽ maỽr a beth yỽ gỽe+
let dỽywaỽl dial ar y pobyl am y hen pech+
odeu Canys pei bydynt yna y saỽl uarch+
ogyon a duc maxen gantaỽ o|e ynuydrỽ+
yd. Ny deuei pobyl y ynys prydein. a allei gor+
uot arnadunt. Ac amlỽc oed hynny.
tra uuant hỽy a oresgynynt y gỽladoed
ar brenhinaetheu o agos ac o bell. Ac a
gynhelynt ynys. prydein. yn hedỽch mal kynt
a pha beth weithon a dywedaf ui. Namyn
yna yd edewit y kestyll ar dinassoed yn*
gỽedy daruot y gelynyon llad eu kyỽdaỽt+
wyr. Ac yna yd anuones gwedillon y po+
byl truan honno lythyreu hyt yn ruuein. at
agicius y gỽr oed amheraỽdyr yn|y mod hỽn
Cỽynuan ac ucheneideu y bryttanneit
yn eu dangos y agicius amheraỽdyr
ruuein. Ac yn menegi bot y mor yn eu kym+