Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 8v

Y gainc gyntaf

8v

31

na chassec degach no hi. a|phob
nos calanmei ẏ moei ac nẏ ỽẏ  ̷ ̷+
bẏdei neb un geir e|ỽrth ẏ he  ̷+
baỽl. Sef a|ỽnaeth teirnon
ẏmdidan nosweith a|ẏ ỽreic.
ha|ỽreic heb ef llibin ẏd ẏm
pob blỽẏdẏn ẏn gadu heppil  ̷
ẏn cassec heb gaffel ẏr un o+
honunt. peth a ellir ỽrth hyn  ̷+
nẏ heb hi. Dial duỽ arnaf
heb ef nos calanmei ẏỽ he  ̷+
no onẏ ỽẏbẏdaf i pa|dileith
ẏssẏd ẏn dỽẏn ẏr ebolẏon.
Peri dỽẏn ẏ gassec ẏ|mẏỽn
tẏ a ỽnaeth a|gỽiscaỽ arueu
amdanaỽ a|oruc ẏnteu. a de  ̷ ̷+
chreu gỽẏlat ẏ nos ac ual ẏ
bẏd dechreu noss. moi ẏ gas  ̷ ̷+
sec ar ebaỽl maỽr telediỽ.
ac ẏn seuẏll ẏn|ẏ lle. Sef a
ỽnaeth teirnon kẏuodi ac
edrẏch ar prafter ẏr ebaỽl.
ac ual ẏ bẏd ẏ·uellẏ. ef a glẏ  ̷ ̷+
ỽei tỽrỽf maỽr ac ẏn ol ẏ tỽ  ̷ ̷+
rỽf llẏma grauanc uaỽr drỽy
fenestẏr ar ẏ tẏ ac ẏn ẏmaua  ̷+
el a|r ebaỽl geir ẏ uỽng. Sef
a|ỽnaeth ẏnteu teirnon tẏn  ̷ ̷+
nu cledẏf a|tharaỽ ẏ ureich
o not ẏr elin e|ẏmdeith. ac ẏnẏ
uẏd hẏnnẏ o|r ureich a|r ebaỽl
ganthaỽ ef ẏ|mẏỽn. ac ar i
hẏnnẏ tỽrỽf a|diskẏr a gigleu
·gẏt. agori ẏ|drỽs a oruc ef
a|dỽẏn ruthẏr ẏn ol ẏ tỽrỽf.
nẏ ỽelei ef ẏ tỽrỽf rac tẏỽẏllet

32

ẏ nos ruthẏr a|duc ẏn|ẏ ol a|
ẏmlit. a dẏuot cof idaỽ adaỽ
ẏ drỽs ẏn agoret ac ẏmhỽelut
a ỽnaeth. ac ỽrth ẏ drỽs llẏma
uab bẏchan ẏn|ẏ gorn guedẏ
troi llenn o bali ẏn|ẏ gẏlch. kẏ  ̷+
mrẏt ẏ mab a|ỽnaeth attaỽ a
llẏma ẏ mab ẏn grẏf ẏn ẏr
oet a oed arnaỽ. dodi caẏat ar
ẏ drỽs a|ỽnaeth a|chẏrchu ẏr
ẏstauell ẏd oed ẏ|ỽreic ẏndi.
arglỽẏdes heb ef aẏ kẏscu ẏd
ỽẏt ti. nac ef arglỽẏd heb hi.
mi a gẏskeis a|phan doethost
ti ẏ mẏỽn mi a deffroeis. mae
ẏmma mab it heb ef os mẏnnẏ
ẏr hỽnn nẏ bu ẏt eiroet. arglỽ  ̷ ̷+
ẏd heb hi pa gẏfranc uu hẏn  ̷+
nẏ. llẏma oll heb·ẏ teirnon
a menegi ẏ|dadẏl oll. Je arglỽ  ̷ ̷+
ẏd heb hi pa|rẏỽ ỽisc ẏssẏd am
ẏ mab. llen o bali heb ẏnteu.
mab ẏ|dẏnnẏon mỽẏn ẏỽ heb
hi. arglỽẏd heb hi digrifỽch a
didanỽch oed gennẏf i bei mẏn+
nut ti. mi a|dygỽn ỽraged ẏn
un a mi ac a|dẏỽedỽn uẏ mot
* ueichaỽc. Mẏui a|duunaf a
thi ẏn llaỽen heb ef am hẏnnẏ.
ac ẏuellẏ ẏ gỽnaethpỽẏt. Peri
a|ỽnaethont bedẏdẏaỽ ẏ mab
o|r bedẏd a|ỽneit ẏna. Sef enỽ
a|dodet arnaỽ gỽri ỽallt eurẏn.
ẏr hẏnn a|oed ar||ben o ỽallt
kẏ|uelẏnet oed a|r eur. Meith+
rẏn ẏ mab a|ỽnaethpỽẏt ẏn|ẏ  ̷