Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 85r

Culhwch ac Olwen

85r

473

mẏn|ẏd oed ẏr heusaỽr. am+
keudaỽt. berth ẏd|ẏtỽẏt heu+
saỽr. Nẏ bo berthach bẏth ẏ
boch chwi no minheu. Mẏn dẏỽ
can|ỽẏt penn nẏd oes anaf
|m llẏgru namẏn uẏm|priaỽt
Pieu ẏ deueit a getwẏ di neu
pieu ẏ gaer. Dros ẏ bẏt ẏ
gwẏs pan ẏỽ caer* ẏspẏda  ̷ ̷+
den penkaỽr bieu ẏ gaer.
Neu titheu pỽẏ vẏt; custen+
hin amhẏnỽẏedic vẏf. i.
ac am uẏm priaỽt ẏ|m rẏ|am+
diuỽẏnỽẏs uẏm priaỽt ẏspẏd+
aden penkaỽr. Neu chwitheu
pỽẏ ẏỽch; kenhadeu arthur
ẏssẏd ẏma ẏn erchi olwenn.
vb wẏr naỽd dẏỽ ragoch ẏr ẏ
bẏt na wneỽch hẏnnẏ. nẏ
dodẏỽ neb ẏ erchi ẏr arch
honno a elhei a|e uẏỽ ganthaỽ
kẏuodi a oruc ẏr heusaỽr ẏ
uẏnẏd. mal ẏ kẏuẏt rodi
modrỽẏ eur a oruc culhuch
itaỽ. keissaỽ gwiscaỽ ẏ uod+
rỽẏ o·honaỽ ac nẏd ai idaỽ.
A|ẏ dodi a oruc ẏnteu ẏ mẏs
ẏ uanec. a|cherdet a oruc
adref a roti ẏ uanec ar ẏ
kẏmhar. a|chẏmrẏt a oruc
hitheu ẏ uodrỽẏ o|r uanec.
pan ẏr ẏ ti. vr ẏ uodrỽẏ|honn
nẏt oed uẏnẏch it caffel do  ̷ ̷+
uot. Mi a euthum ẏ|r mor
ẏ geissaỽ moruỽẏt nachaf
gelein a welỽn ẏn dẏuot gan
ẏr ertrei ẏ mẏỽn nẏ weleis
i eirmoẏt gelein gẏmrẏt
a hi. ac am ẏ uẏs ef ẏ keueis

474

ẏ uodrỽẏ hon. oi a|ỽr canẏ
at mor marỽ dlỽs ẏndaỽ
dangos imi ẏ gelein honno
ha wreic ẏ neb pieu ẏ gelein
ti a|ẏ gỽelho ẏma o|chwinsa.
Pỽẏ ef hỽnnỽ heb ẏ wreic
kulhỽch mab kilid mab ke+
lẏdon wledic o oleudẏt merch
anlaỽd wledic ẏ uam a|doeth
ẏ erchi olwen. Deu Sẏnhỽẏr
a oed genthi. llawen a oed
genthi dẏuot ẏ nei uab ẏ
chwaẏr attei asl a|thrist oed
genthi. kanẏ rẏ|welsei eiroet
ẏ uẏnet a|e eneit ganthaỽ
a delhei ẏ erchi ẏ neges hon  ̷ ̷+
no. kẏrchu a orugant vẏ
porth llẏs custenhin heusaỽr
clẏbot o·heni hitheu eu trỽst
ẏn dẏuot. Redec o·heni ẏn
eu herbẏn o|lẏwenẏd. goglẏt
a oruc kei ẏm|prenn o|r glud+
weir. A|e dẏuot hitheu ẏn eu
herbẏn ẏ geissaỽ mẏnet
dỽẏlaỽ mẏnỽgẏl udunt
gossot o gei eiras kẏfrỽg
ẏ dỽẏ·laỽ. Gỽascu o·honei
hitheu ẏr eiras hẏt pan
ẏttoed ẏn vden diednedic.
Amkaỽd kei ha wreic pei
mi rẏ|wascut uellẏ nẏ oruẏd+
ei ar arall uẏth rodi serch
im drỽc a|serch hỽnnỽ. Dẏ+
uot a orugant hỽẏ ẏ|r tẏ.
a gvneuthur eu gỽasanaeth
ẏm·penn gwers pan at paỽb
eu damsathẏr. agori kib a
oruc ẏ wreic ẏn|tal ẏ pentan
a|chẏuodi gỽas pengrẏch