Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 81v

Culhwch ac Olwen

81v

459

noc ẏ|r gỽarthaf·dẏ. poet ẏn
gẏstal ẏ|th deon a|th niuer a|th
catbritogẏon ẏ bo ẏ gỽell hỽnn.
Nẏ bo didaỽl neb o·honaỽ mal
ẏ mae kẏflaỽn ẏ kẏuerheis*
.i. well i ti. boet kẏflaỽn dẏ rat
titheu a|th cret a|th|etmic ẏn ẏr
ẏnẏs honn. Poet gwir dẏỽ
unben. Henpẏch gwell titheu
Eisted kẏfrỽg deu o|r milwẏr
a|didangerd ragot a breint
edling arnat gỽrthrẏchẏad
teẏrnas bẏ|hẏt bẏnnac ẏ bẏch
ẏma. a ffan ranhỽẏf uẏn da
 ospeit a|ffellennigẏon bẏth  ̷ ̷+
aỽd o|th laỽ pan ẏ dechreuỽẏf
ẏn|ẏ llẏs honn. am·kaỽd mab
nẏ dothỽẏf. i. ẏma ẏr fraỽdun+
ẏaỽ bỽẏt a|llẏnn. Namẏn o|r
kaffaf uẏ|ghẏuarỽs ẏ dalu
a|e uoli a|wnaf. Onẏ|s caffaf
dỽẏn dẏ vẏneb di a|wnaf
hẏt ẏ bu dẏ glot ẏm|pedrẏal
bẏt bellaf. amkaỽd arthur.
kẏn nẏ|thriccẏch ti ẏma un  ̷+
ben ti a geffẏ kẏuarỽs a
notto dẏ benn a|th|tauaỽd.
hẏt ẏ sẏch gwẏnt. hẏt ẏ m
gỽlẏch glaỽ. hẏt ẏr|etil|heul.
hẏt ẏd ẏmgẏffret mor. hẏt
ẏd ẏdiỽ daẏar. eithẏr uẏ
llong. a|m llen. a|chaletuỽlch
uẏg cledẏf. a ron·gom·ant
uẏg gvaẏỽ. ac vẏneb gỽrth  ̷ ̷+
ucher uẏ ẏscỽẏt. a|charn+
wenhan uẏg kẏllell. a gwen  ̷+
hvẏuar uẏg gwreic. Gỽir
dẏỽ ar|hẏnny. ti a|e keffẏ
ẏn llawenNot a|nottẏch.

460

Nodaf diwẏn uẏ|g·wallt a
uynaf. Ti a|gẏffẏ hẏnnẏ. kẏm+
ryt crip eur o arthur a gwelliu
a doleu aryant itaỽ. a chribaỽ
ẏ benn a oruc. a gouẏn pỽẏ oet
a oruc. am·kaỽd arthur mae uẏg
kallon ẏn tirioni vrth·ẏt mi a ỽn
dẏ hanuot o|m gvaet. Dẏwet
pỽẏ vẏt. Dẏwedaf kulhỽch mab
kilẏd mab kẏledon wledic. o oleudyt
merch anlaỽd wledic uẏ mam.
amkaỽd arthur. gỽir ẏỽ hẏnnẏ.
keuẏnderỽ vt* titheu ẏ mi. Not
a nottẏch a|thi a|e keffẏ. a Notto
dẏ benn a|th|dauaỽt. Gỽir dẏỽ im
ar hẏnnẏ a gvir dẏ deyrnas. ti
a|e keffẏ ẏn llawen. Nodaf arnat
kaffel im olwen merch ẏspadaden
penkaỽr. a|e hassỽẏnaỽ a wnaf
ar dẏ uilwẏr. ~ ~
A ssỽẏnaỽ ẏ gẏuarỽs ohonaỽ
ar kei a bedwẏr. a greidaỽl
galldouẏd. a gỽẏthẏr uab greidaỽl.
a greit mab eri. a|chẏndelic. kẏ+
uarwẏd. a|thathal tỽẏll goleu.
a maẏlwẏs mab baedan. a chnẏchỽr
mab nes. a|chubert. mab. daere. a
fercos. mab. poch a lluber beuthach.
a chonul bernach. a gỽẏn. mab. esni.
a gvẏnn. mab. nẏwre. a gỽẏnn. mab.
nud. ac edern mab nud. a|c·adỽẏ
.mabgereint. a ffleỽdỽr flam wledic
a ruaỽn pebẏr. mab. dorath. a brat  ̷ ̷+
wen. mabMoren. Mẏnac. a Moren
mẏnaỽc e hun. a dalldaf eil kimin
cof. a Mab alun dẏuet. a Mab saidi.
a Mab gỽrẏon. ac vchdrẏt ardỽẏat
kat. a chẏnwas curẏuagẏl. a gỽrhẏr
gỽarthecuras. a Isperẏr ewingath