Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 81

Culhwch ac Olwen

81

457

o hẏnnẏ. Ot agorẏ ẏ porth da
ẏỽ; onẏ|s agorẏ mi a dẏgaf an  ̷ ̷+
glot ẏ|th arglỽẏd a drẏgeir ẏ
titheu. a mi ad* a|dodaf teir
diaspat ar drỽs ẏ porth hỽnn.
hẏt na bo anghleuach* ẏm·penn
pengỽaed ẏg|kernẏỽ. ac ẏg gỽa+
elaỽt dinsol ẏn|ẏ gogled. ac ẏn
eskeir oeruel ẏn|iwerdon. ac ẏs  ̷ ̷+
sẏd o wreic ueichaỽc ẏn|ẏ llẏs
honn methaỽd eu beichogi. ac
ar nẏd beichaỽc onadunt ẏm  ̷ ̷+
hoelaỽd eu callonneu ẏn vrth  ̷ ̷+
trỽm arnadunt mal na bỽẏnt
ueichaỽc byth o hediỽ allan.
amkaỽd gleỽlỽyt gauaeluaỽr.
Pẏ diaspettẏch ti bẏnhac am  ̷ ̷
gẏfreitheu llẏs arthur nẏ|th
atter ti ẏ mẏỽn hẏnẏ elỽẏf ui
ẏ dẏwedud ẏ arthur gesseuin.
A C ẏ dẏuu gleỽlỽẏt ẏ|r neu  ̷+
ad. amkaỽd arthur vrth  ̷ ̷+
aỽ chwedleu porth genhẏt ~
ẏssẏdẏnt genhẏm deu·parth
uẏ oet a|dodẏỽ. a deuparth ẏ
teu ditheu. Mi a uum gẏnt
|ghaer se. ac asse. ẏn sach a
salach. ẏn lotor a fotor. Mi
a uum gẏnt ẏn ẏr india uaỽr
a|r india uechan. Mi a|uum
gẏnt ẏn ẏmlad deu ẏn·ẏr pan
ducpỽẏt ẏ deudec gỽẏstẏl o
lẏchlẏn. a mi a uum gẏnt ẏn
ẏr egrop. a mi a|uum ẏn ẏr
affric. ac ẏn ẏnẏssoed corsica.
ac ẏ|ghaer brẏthỽch a brẏtach
a|nerthach. Mi a|uum gẏnt
pan ledeist ti teulu gleis mab
merin. pan ledeist Mil du

458

mab ducum. Mi a uum gẏnt
pan wereskẏnneist groec
vrth parth ẏ dỽẏrein. Mi a|uum
gẏnt y|g·haer oeth ac anoeth.
ac ẏ|ghaer neuenhẏr naỽ naỽt
teẏrndẏnon tec a|welsam
ni ẏno. nẏ weleis. i. eirmoet
dẏn kẏmrẏt a|r hỽnn ẏssẏd
ẏn drỽs ẏ|porth aỽr* aỽr honn.
Amkaỽd arthur o|r|bu ar dẏ
gam ẏ dẏuuost ẏ mẏỽn; dos
ar dẏ redec allan. a|r saỽl a
edrẏch ẏ goleu. ac a egẏr ẏ
lẏgat. ac a|e kae aghengaeth
idaỽ. a gvassanaethet rei a
buelin goreureit. ac ereill a
golỽẏthon poeth pebreit hyt
pan uo goranhed bỽẏt a llẏnn
idaỽ. ys dẏhed a|beth gadu
dan wẏnt a glaỽ ẏ kẏfrẏỽ
dẏn a dywedẏ di. am·kaỽd
kei mẏn llaỽ uẏ|ghẏuellt
bei gỽnelhit uẏg|kẏghor i.
nẏ|thorrit kẏfreitheu llẏs
ẏrdaỽ. Na wir kei wẏnn
ẏd|ẏm wẏrda hẏt tra ẏn
dẏgẏrcher. ẏd ẏt·uo mỽẏhaf
ẏ kẏuarỽs a|rothom. Mỽẏuỽẏ
uẏd ẏn gỽrdaaeth ninheu
ac an clot ac an et hetmic.
ac ẏ dẏuu gleỽlỽẏd ẏ|r porth.
ac agori ẏ porth racdaỽ. ac
a|gorẏỽ paỽb diskẏnnu vrth
ẏ porth ar ẏr ẏskẏnuaen nẏ|s
goruc ef. namẏn ar ẏ gorỽẏd
ẏ doeth ẏ mẏỽn. am·kaỽd kul+
hỽch. Henpẏch gwell penn
teẏrned ẏr ẏnẏs honn nẏ bo
gỽaeth ẏ|gỽal gỽaelaỽt·tẏ