Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 79r

Geraint

79r

449

a|thrỽẏdaỽ. ac ẏna ẏ dẏwaỽd
ẏ brenhin bẏchan. a|geif neb
uẏnet ẏ·gẏt a|r unben na+
mẏn e hun. Na cheif heb·ẏr
ẏwein iarll. Pa gẏueir heb+
ẏ gereint ẏd eir ẏma. Na
ỽn. i. heb·ẏr ẏwein namẏn
ẏ gẏueir haỽssaf gennẏt
uẏnet dos. ac ẏn ehouẏn
dibedrus mẏnet a oruc ge  ̷+
reint racdaỽ ẏ|r nẏỽl. a|ffan
edewis ẏ nẏỽl ef a|doeth ẏ
berllan uaỽr. a llanerch a
welei ẏn|ẏ berllan; a febẏll
o bali pengoch a welei ẏn|
llannerch. a drỽs ẏ pebẏll a
welei ẏn agored. ac ẏuallen
a oed ẏ|ghẏueir drỽs ẏ pe  ̷ ̷+
bẏll. ac ar ẏscỽr o|r auallen
ẏd oed corn canu maỽr. a
diskẏnnu a oruc ẏnteu ẏna
a dyuot ẏ|r pebẏll ẏ mẏỽn.
ac nẏd oed ẏn|ẏ pebẏll namẏn
un uorỽẏn ẏn eiste ẏ mẏỽn
cadeir eureit. a|chadeir ar  ̷ ̷+
all gẏuerbẏn a hi ẏn waac.
Sef a oruc gereint eiste
ẏn|ẏ gadeir waac. a unben
heb ẏ uorỽn* nẏ chẏghoraf. i.
ẏ. ti eiste ẏn|ẏ gadeir honno
Pa·ham heb·ẏ gereint. ẏ gỽr
bieu ẏ gadeir honno nẏ ode  ̷ ̷+
uaỽd eiste o arall eiroed ẏn|
gadeir. Ni|m taỽr. i. heb·
gereint kẏd bỽẏd* drỽc ganth+
aỽ ef eiste ẏn|ẏ gadeir. ac ar
hẏnnẏ vẏnt a glẏwẏnt tỽ  ̷+
rỽf maỽr ẏn ẏmẏl ẏ pebẏll.
ac edrẏch a oruc gereint

450

pa ẏstẏr a oed ẏ|r tỽrỽf.
ac ef a welei uarchaỽc all+
an ar gaduarch froenuoll+
drud awẏduaỽr eskẏrnbraf
a|chỽnsallt deu|hanner ẏm+
danaỽ ac am ẏ uarch. a|dgẏn*  ̷+
der o arueu ẏ·dan hẏnnẏ. D+
weit unben heb ef vrth ereint.
pỽẏ a erchis. i. ti. eiste ẏna.
Mẏ hun heb ẏnteu. Cam oet
it gwneuthur kẏwilid kẏm+
meint a hỽnnỽ im a gwarth+
aet. a|chẏuot ti odẏna ẏ wne  ̷+
uthur iaỽn ẏ mi am dẏ|aghẏm+
endaỽd dẏ hun. a|chẏuodi a
oruc gereint. ac ẏn diannot
mẏnet ẏ ẏmwan a orugant
a|thori to o beleidẏr a orugant
a|thorri ẏr eil|do. a|thorri ẏ drẏ  ̷+
det do. a dẏrnodeu caletchwe+
rỽ kẏflẏmdrud a rodei pob
un o·nadunt ẏn|ẏ gilid. ac
ẏn|ẏ diwed llidiaỽ a oruc gere+
int a gordinaỽ ẏ uarch a|
gẏrchu. a gossot arnaỽ |ghe+
dernit ẏ darẏan ẏnẏ hẏllt.
ac ẏnẏ uẏd penn ẏ waẏỽ
ẏn|ẏ arueu. ac ẏnẏ dẏrr 
holl gegleu ac ẏnẏ uẏd ẏn+
teu dros bedrein ẏ uarch |r
llaỽr hẏt gỽaẏỽ gereint a
hẏt ẏ ureich ẏn vẏsc ẏ benn.
Och arglỽẏd heb ẏnteu dẏ
naỽd a|thi a geffẏ a uẏnnẏch.
Nẏ mẏnnaf. i. heb ẏnteu na+
mẏn na bo ẏma uẏth  gỽa+
reu hỽn na|r cae nẏỽl na|r hud
na|r lletrith a rẏ uu. ti a gef+
fẏ hẏnnẏ ẏn llawen arglỽẏd