Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 78r

Geraint

78r

445

goruot ar ẏ dẏt nachaf ẏ
gwelẏn ẏ·rẏgthunt a|r nỽẏure
ar eu hol peleidẏr gweẏwẏr
a|thỽrỽf meirch a glẏwẏnt
a godỽrd ẏ·niuer. Mi a glỽẏ  ̷ ̷+
af dẏuot ẏ|n ol heb ef. a mi  ̷
a|th rodaf di dros ẏ cae a|e rodi
a oruc. ac ar hẏnnẏ nachaf
uarchaỽc ẏn|ẏ gẏrchu ẏnteu
ac ẏn estỽg y waẏỽ. a|ffan
welas hi hẏnnẏ  dẏwot a
unben heb hi pa glot a|geffẏ
di ẏr llad gỽr marỽ pỽẏ|bẏn+
ac uẏch. Och dẏỽ heb ẏnteu
ae gereint ẏỽ ef ie ẏ·rof a
dẏỽ. a|ffỽy vẏt titheu mi
ẏ brenhin bẏchan heb ẏnteu
ẏn dẏuot ẏn borth ẏ ti am
glẏbot bot gouut arnat.
a ffei gỽnelut ti uẏ|ghẏgor
nẏ chẏhẏrdei a|gẏhẏrdaỽd
o galedi a|thi. Nẏ ellir dim
heb·ẏ gereint vrth a uẏnho
dẏỽ. llawer da a|daỽ heb ẏn  ̷ ̷+
teu o gẏghor. Je heb ẏ bren  ̷+
hin bẏchan mi a|ỽn gẏghor
da iti weithon dẏuot gẏd
a|mi ẏ lẏs daỽ gan chwaer
im ẏssẏd ẏn agos ẏna i|th
uedeginẏaethu o|r|hẏnn  ̷ ̷
goreu a|gaffer ẏn|ẏ dẏ·ẏr  ̷ ̷+
nas. aỽn ẏn llawen heb+
ẏ gereint. a march un o|r
ẏsweineit y brenhin bẏch  ̷+
an a rodet ẏ·dan enẏt. a
dẏuot racdunt a orugant
ẏ lẏs ẏ barỽn a|llawen uuỽẏd
vrthunt ẏno. ac ẏm·geled
a gaỽssant a gỽassanaeth
a|thranoeth ẏ bore yd aeth  ̷ ̷+
pỽyd ẏ geissaỽ medẏgon
a|gaffat ac ar oet bẏrr

446

vẏnt a|doethont a medegin+
·aethu Gereint a|wnaeth  ̷ ̷+
pỽẏd ẏna ẏnẏ oed holl·iach
a|thra uuỽẏd ẏn ẏ uedegin+
·aẏthu ef ẏ peris ẏ brenhin
bẏchan kẏweirẏaỽ ẏ arueu
ẏnẏ oedẏnt gẏstal ac ẏ bues+
sẏnt oreu eiroet. a|ffethef  ̷+
nos a mis ẏ buant ẏno. ac
ẏna ẏ dẏwot ẏ brenhin bẏch+
an vrth ereint. Ni a aỽn ~ ~
parth a|m llẏs inneu weith  ̷+
ẏon ẏ orffowẏs ac ẏ gẏmrẏt
esmỽẏthder. Pei da gennẏt ti
heb·ẏ gereint ni a gerdem
un dẏt etwa. ac odẏna ẏm+
holut tracheuẏn. ẏn llawen
heb ẏ brenhin bẏchan kerda
ditheu. ac ẏn ieueigtit ẏ
dẏt ẏ kerdassant a hẏfrẏdach
a llawenach ẏ kerdaỽd enẏt
·gẏt ac vẏnt ẏ dẏt hỽnnỽ  ̷ ̷
noc eiroet. ac vẏnt a|doeth+
ant ẏ ford uaỽr ac vẏ a y gwe  ̷+
lẏnt ẏn gwahanu ẏn dỽẏ
ac ar hẏt ẏ neill o·nadunt
vẏnt a|welẏnt pedestẏr ẏn
dẏuot ẏn eu herbẏn. a go  ̷+
uin a oruc gỽiffret ẏ|r pe  ̷+
destẏr. pa du pan deuei.
Pan deuaf o wneuthur ne+
gesseu o|r wlad. Dẏwed heb+
ẏ gereint pa ford oreu ẏ
mi ẏ gerdet o|r dỽẏ hẏnn.
Goreu it gerdet honno heb
ef. Od|eẏ ẏ honno nẏ deuẏ
dracheuẏn uyth. Jssot ẏ mae
ẏ kae heb ef nẏỽl. ac ẏ mae
ẏn hỽnnỽ gwarẏeu lledrith+
ẏaỽc. a|r gẏniuer dẏn a
edẏỽ ẏno nẏ dodẏỽ uẏth
dracheuẏn. a llẏs Eein