Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 77r

Geraint

77r

441

ẏn uarỽ ac uch  bẏ. ben ẏ
marchaỽc ẏ gỽelei uorỽẏn+
wreic Jeuanc a|e marchaỽc+
wisc ẏmdanei ac ẏn diasbede  ̷ ̷+
in. a unbenes heb·ẏ gereint
pa deriỽ iti yma ẏd oedỽn  ̷ ̷
ẏn kerdet ui a|r gỽr mỽẏaf
a garỽn. ac ar hẏnnẏ ẏ doeth
tri chaỽr o geỽri attam a
heb gadỽ iaỽn o|r bẏt ac ef
ẏ lad. Pa ford ẏd eẏnt vẏ
heb·ẏ gereint. ẏna ẏ ford
uaỽr heb hi. Dẏuot a|oruc
ẏnteu ar enẏt dos heb ef
at ẏr unbennes ẏssẏd ẏna
obrẏ ac aro ui ẏno ẏ deuaf.
Tost uu genthi erchi idi
hẏnnẏ. ac eissỽẏs dẏuot a
oruc at ẏ uorỽẏn ac irat oed
warandaỽ arnei a diheu oed
genthi na deuei Ereint uẏth.
Ẏn ol ẏ keỽri ẏd aeth ẏnteu
ac ẏmordiwes ac vẏnt a
oruc. a mỽẏ oed pob un o·nad  ̷ ̷+
unt no|thrẏwẏr. a|chlỽppa
maỽr a oed ar ẏscỽẏd pob
un o·nadunt. Sef a oruc
ẏnteu dỽẏn ruthur ẏ un
o·nadunt a|e wan a gwa
trỽẏdaỽ* berued. a|thẏnnu
ẏ waẏỽ o hỽnnỽ a gwan ar+
all o·nadunt trỽẏdaỽ heuẏt
a|r trẏdẏt a ẏmhoelaỽd ar  ̷+
naỽ. ac a|e trewis a|chclỽppa*
ẏnẏ hẏllt ẏ darẏan ac ẏnẏ
ettelis ẏ ẏscỽẏd ẏnteu ac ẏnẏ
ẏmmegẏr ẏ holl welioed ẏn  ̷+
teu ac ẏnẏ uẏd ẏ waet ẏn
colli oll. Sef a oruc ẏnteu
ẏna tẏnnu cledẏf a|ẏ gẏrchu
ef a|ẏ daraỽ dẏrnaỽd tostlẏm
athrugar angerdaỽldrut

442

ẏ gỽarthaf ẏ benn ẏnẏ hẏllt
ẏ penn a|r mẏnỽgẏl itaỽ hẏt
ẏ dỽẏ ẏscỽẏd. ac ẏnẏ dẏgỽẏd
ẏnteu ẏn uarỽ. ac eu hadaỽ
ẏn uarỽ a oruc ẏ·uellẏ. a dẏ+
uod ẏn ẏd oed enẏt. a|ffan
welas ef enẏt ẏ dẏgỽẏdaỽd
ẏn uarỽ ẏ|r llaỽr ẏ  ar uarch.
Diaspat athrugar aruchel
didaweldost a|rodes enẏt.
a dẏuot uch ẏ ben ẏ lle ẏ dẏ+
gỽẏdaỽd. ac ar|hẏnnẏ nachaf
ẏn dẏuot vrth ẏ diaspat
Jarll limỽris a niuer a oed
·gẏd ac ef a oed·ẏnt ẏn kerd+
et ẏ fford. ac o achaỽs ẏ dias  ̷ ̷+
pat ẏ doethant dros ẏ ford
ac ẏna ẏ dẏwaỽt ẏ iarll
vrth enẏt. a unbennes heb
ef pa derẏỽ ẏti. a vrda heb
hi llad ẏr un|dẏn mỽẏaf a
a gereis ẏr·moet ac a|garaf
uẏth. Pa beth heb ef a|derẏỽ
ẏ titheu vrth ẏ llall; llad ẏ
gỽr mỽẏaf a|garỽn heb hi
heuẏt. Pa beth a|e lladaỽd
vẏnt heb ef.  keỽri heb·ẏr
honno a ladaỽd ẏ gỽr mỽẏaf
a garỽn. a|r marchaỽc arall
heb hi a|aeth ẏn eu hol; ac ỽal
ẏ gỽelẏ di ef ẏ doeth ẏ vrth  ̷ ̷+
unt. a|e waet ẏn colli mỽẏ
no messur. a|thebic ẏỽ gen+
nẏf heb hi na doeth ẏ vrth+
unt heb lad rei o·nadunt.
a cỽbẏl. Y iarll a beris clatu
cladu ẏ marchaỽc a edeỽssit
ẏn uarỽ. ẏnteu a|dẏbẏgei
uot peth o|r eneit ẏ mẏỽn
gereint etỽa ac a beris 
dỽẏn gẏt ac ef ẏ ẏ·drẏch a
uei uẏỽ ẏm plẏc ẏ daran