Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 76v

Geraint

76v

439

A llawenhau a oruc medỽl ẏ
uorỽẏn ẏna. a chẏnnhỽẏllaỽ
Gereint a oruc gwalch·mei
ar hẏt ẏ|fford ẏ|r lle ẏd oed
arthur ẏn pebẏllaỽ a  uaccỽẏ+
ueit ẏn  tẏnnu pebẏll ẏn  ̷
ẏstlẏs ẏ ford arglỽẏd heb·
gereint henpẏch gwell. dẏỽ
a ro da. it heb·ẏr arthur. a|ffỽẏ
vẏt ti. Gereint heb·ẏ gwalch  ̷ ̷+
mei ẏỽ hỽnn ac o|e uod nẏt
ẏmwelei a|thẏdi hetiỽ. Je heb+
ẏr arthur ẏn|ẏ aghẏghor ẏ
maẏ. ac ar hẏnnẏ enẏt a|do+
eth ẏn ẏd oed arthur a|chẏ  ̷ ̷+
uarch gwell itaỽ dẏỽ a ro da
it heb·ẏr arthur. Kẏmeret
un hi ẏ|r llaỽr. ac un o|r maccỽẏ+
ueit a|e kẏmerth. Och a enẏt
heb ef pa gerdet ẏỽ hỽnn. Na
vn arglỽẏd heb hi namẏn dir
ẏỽ im gerdet ẏ ford ẏ kẏrdo*
ẏnteu. arglỽẏd heb·ẏ gereint
ni a|aỽn ẏmdeith gan dẏ gen  ̷ ̷+
ẏad. pa le uẏd hẏnnẏ heb·ẏr
arthur nẏ nẏ ellẏ di uẏned
ẏr aỽron; onẏt eẏ ẏ orfen dẏ
agheu. Nẏ adei ef ẏ mi heb+
ẏ gwalchmei gvahaỽd arnaỽ.
ef a|e gad ẏ mi heb·ẏr arthur.
ac ẏ·gẏt a hẏnnẏ nẏt a ef
odẏma ẏnẏ uo iach goreu
oed gennẏf. i. arglỽẏd heb+
ẏ gereint pei gattut uẏ·ui
ẏmdeith. Na adaf ẏ·rof a
dẏỽ heb ẏnteu. ac ẏna peris
galỽ ar ẏ uorỽẏn ẏn erbẏn
enẏt o|ẏ dỽẏn ẏ bebẏll ẏsta  ̷+
uell gvenhỽẏuar. a llawen
uu wenhỽẏuar vrthi a|r gwra  ̷ ̷+
ged oll. a gvaret ẏ marchaỽc  ̷ ̷+
wisc ẏ ẏmdanei a rodi arall

440

·mdanei. a galỽ ar gadẏrieith
a oruc ac erchi ita tẏnnu pe  ̷ ̷+
bẏll ẏ ereint a|e uedẏgon a
dodi arnaỽ peri diwallrỽẏd
o bop peth ual ẏ gouẏnnit idaỽ
a hẏnnẏ a oruc cadẏrieith ual
ẏ erchid itaỽ oll a dỽẏn Morgan
tut a|e disgẏblon a oruc at
ereint. ac ẏna ẏ bu arthur
a|ẏ niuer agos ẏ uis vrth ued  ̷ ̷+
eginẏaethu gereint. a|ffan
oed gadarn ẏ gnaỽd ganthaỽ
ereint ẏ doeth at arthur. ac
ẏd erchis gennat ẏ uẏnet
ẏ hẏnt. Nẏ vn a|ỽẏt iach iaỽn
etwa vẏf ẏscỽir arglỽẏd heb+
ẏ gereint. Nẏt ti·di a|gredaf
.i. am hẏnẏ nam·ẏn ẏ medẏgon
a uu vrthẏt. a dẏuẏnnu ẏ med  ̷+
ẏgon attaỽ a oruc a gouẏn ud  ̷ ̷+
unt a oed wir hẏnnẏ gwir heb+
ẏ morgan tut. Trannoeth ẏ
canhẏadaỽd arthur ef ẏmdeith.
ac ẏd aeth ẏnteu ẏ orfen ẏ
hẏnt. a|r dẏt hỽnnỽ ẏd aeth
arthur odẏno. ac erchi a oruc
gereint ẏ enẏt kerdet o|r blaen
a|chadỽ ẏ ragor ual ẏ gvnath  ̷ ̷+
oed kẏn no hẏnnẏ. a hi a|gerd+
aỽd. a|r brifford a|dilẏnaỽd
ac ual ẏ bẏdẏnt ẏ·uellẏ ỽẏnt
a|glẏwẏnt diaspad grochaf
o|r bẏt ẏn agos udunt. Saf
di ẏma heb ef a|chuaro ac ẏd
af. i. ẏ edrẏch ẏstẏr ẏ diaspat.
Mi a|wnaf heb hi a|mẏnet a
oruc ẏnteu a dẏuot ẏ lanerch
a oed ẏn agos ẏ|r ford. ac ar
ẏ llannerch ẏ gvelei deu uarch
un a|chẏfrỽẏ gỽr arnaỽ. ac
arall a|chẏfrỽẏ gwreic arnaỽ.
A marchaỽc a|ẏ arueu ẏmdanaỽ