Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 76r

Geraint

76r

437

ti gẏt a|mẏui ẏ ẏmwelet ac
arthur ẏssẏt ẏma ẏn agos.
nac af ẏ·rof a dẏỽ heb ẏnteu
ereint. Ef a uyt reit yt dẏ  ̷ ̷+
uod heb·ẏ kei. a gereint a ed  ̷ ̷+
waenad kei ac nẏt ẏtwaẏnat
kei. ereint. a gossot a oruc kei
arnaỽ ual ẏ gallaỽd ef oreu.
a blẏghau a oruc gereint ac
ac arllost ẏ waẏỽ ẏ wan ẏnẏ
uyd ẏn ol ẏ benn ẏ|r llaỽr ac
nẏ mẏnnaỽd gỽneuthur itaỽ  ̷ ̷
waeth no hẏnnẏ. ac ẏn wẏllt
ofnaỽc ẏ kẏuodes kei ac ẏscẏn  ̷ ̷+
nu ar ẏ uarch a dẏuot ẏ lettẏ.
ac odẏna mẏnet a oruc ẏ or  ̷ ̷+
ẏmdeith hyt ẏm pebẏll. Gỽalch  ̷ ̷+
mei. a vr heb ef vrth walchmei
Mi a giglef gan un o|r gweis  ̷ ̷+
son gỽelet ẏn|ẏ coet uchot
machaỽc briwedic ac arueu
amdlaỽt ẏ·mdanaỽ. ao gỽneẏ
iaỽn ti a eẏ ẏdrẏch aẏ gwir
hẏnnẏ. N|m taỽr. i. uẏnet
heb gwalchmei. kẏmmer dẏ
uarch nu heb·ẏ kei a|ffeth o|th
arueu mi a giglef nat diỽrth+
gloch ef; vrth ẏ neb a|del attaỽ.
Gwalchmei a gẏmerth ẏ
waẏỽ a|ẏ darẏan ac a|ẏskẏn+
naỽd ar ẏ uarch ac a doeth
ẏn ẏd oet gereint. a uarchaỽc
heb ef pa rẏỽ gerdet ẏssẏd
arnat ti. kerdet vrth uẏ ne  ̷ ̷+
gesseu ac ẏ edrẏch damwei  ̷ ̷+
neu. a dẏwedẏ di pỽẏ vẏt.
neu a deuẏ ẏ ẏmwelet ar
arthur ẏssẏd ẏn agos ẏna.
Nẏt ẏmgẏstlẏnaf. i. vrth  ̷ ̷+
yt ti ac nẏt af ẏ ẏmwelet
ac arthur heb ef. ac ef a at+
waenat walchmei. ac nẏt

438

atwaenat walchmei ef. Ni
chlẏỽir arnaf uẏth Heb·
gwalchmei dẏ adu ẏ vrthẏf
ẏnẏ vẏpỽẏf pỽẏ uẏth a|ẏ gẏrchu
a gỽaẏỽ a gossot ẏn|ẏ darẏ  ̷+
an ẏnẏ uẏd ẏ paladẏr ẏn
ẏssic uriỽ a|r meirch daldal
ac ẏna edrẏch arnaỽ ẏn graf
a oruc a|e adnabot. Och ere  ̷ ̷+
int heb ef ae tidi ẏssẏd ẏma
nac vẏf ereint. i. heb ef. Ge+
reint ẏ·rof a dẏỽ heb ẏnteu
a|cherdet aghẏghorus truan
ẏỽ hỽn ac edrẏch ẏn|ẏ gẏlch
a oruc ac arganuot enẏt. a|
a|e|chressaỽu a bot ẏn llawen
vrthi. Gereint heb·ẏ gvalch  ̷+
mei dẏret ẏ ẏmwelet ac
arthur dẏ arglỽẏd ẏỽ a|th
geu·ẏnderỽ. na* af heb ẏnteu
nẏt ẏdỽẏf. i. yn ansaỽd ẏ
gallỽẏf ẏmwelet a neb. ac
ar hẏnnẏ nachaf un o|Mac+
ỽẏueit ẏn dẏuot ẏn ol gỽalch+
mei ẏ chỽedleua. Sef a oruc  ̷
gỽalchmei gẏrru hỽnnỽ ẏ
uenegi ẏ arthur uot gere  ̷ ̷+
int ẏno ẏn uriwedic ac na
deuei ẏ ẏmwelet ac ef ac
ẏd oed druan edrẏch ar ẏr
ansaỽd ẏssẏd arnaỽ. a hẏn  ̷+
nẏ heb vẏbot ẏ ereint ac
ẏn hustinc ẏ·rẏgthaỽ a|r
maccỽẏf. ac arch  arthur
heb ef nessau ẏ bebẏll ar ẏ
ford canẏ daỽ ef ẏ ẏmwelet
o|e uod a ac ef. ac nat haỽd
ẏ dirẏaỽ ẏnteu ẏn ẏr agỽed
ẏ mae. a|r maccỽẏf a doeth
ar arthur ac a dẏwad idaỽ
hẏnnẏ. ac ẏnteu a|ssẏmudaỽd
ẏ bebẏll ar ẏmẏl ẏ ford. a