Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 74r

Geraint

74r

429

digrif it ẏn|ẏ kerdet hỽnn gẏt
a|r gỽr racco. Nẏt anigrif gen
heb hi gennẏf. i. nu gerdet ẏ
ford ẏ kerdo ẏnteu. Nẏ cheffẏ
heb ẏnteu na gỽeisson na mo  ̷ ̷+
rẏnẏon a|th wasanaytho. Je
heb hi digriuach ẏỽ gennẏf. i.
canlẏn ẏ gỽr racco no chẏt caf  ̷+
fỽn weisson a morẏnẏon. M ̷ ̷
a ỽn gẏghor da it heb ẏnteu.
Mi a|rodaf uẏ iarllayth ẏ|th
uedẏant a|thric gẏt a mi.
Na uẏnaf. i. ẏ·rof a dẏỽ heb
hi a|r gỽr racco yd ymgredeis
ẏn gẏntaf eiroet ac nẏ·d an  ̷ ̷+
wadalaf ẏ vrthaỽ. Cam a  ̷ ̷
wneẏ heb ẏnteu. O lladaf. i.
ẏ gỽr racco; mi a|th gaf di tra
uẏnnỽẏf. a gỽedẏ na|th uẏn  ̷ ̷+
nỽẏf; mi a|th ẏrraf ẏmdeith.
Os o|d* uod ẏ gvneẏ ditheu ẏr
ẏrof. i. kẏssondeb diwahan
tragẏwẏdaỽl a uẏd ẏ·rom.
tra uom uẏỽ. Medẏlẏaỽ a|wna
a oruc hitheu am a dẏwaỽd
ef. ac o|e medỽl ẏ cauas ẏn|
chẏghor rodi rẏuic itaỽ am a
erchis. llẏma ẏssẏd iaỽnaf ẏ
ti unben heb hi rac gẏrru
arnaf. i. mỽẏ no messur o
aniweirdeb; dẏuot ẏma ẏ+
uorẏ ẏ|m kẏmrẏt ual na vy  ̷ ̷+
pỽn. i. ẏ vrth hẏnnẏ. Minheu
a|wnaf hẏnnẏ heb ef a|chẏ  ̷ ̷+
uodi a oruc ar hẏnnẏ a|chẏm  ̷+
rẏd canẏat a mẏnet ẏmde  ̷+
ith ac ef a|e wẏr ac nẏ dẏwa  ̷ ̷+
vd hi ẏna ẏ ereint dim o ẏm  ̷ ̷+
didan ẏ gỽr a hi rac tẏuu aẏ
llit aẏ goual ẏndaỽ aẏ aflo+
nẏdỽch a mẏnet ẏ gẏscu
ẏn amser a orugant. a dech  ̷ ̷+

430

reu nos kẏscu ẏchẏdic a oruc
hi. ac am hanner nos deffroi
a oruc a chweiraỽ arueu gere+
int ẏ·gẏt ual ẏ bẏdẏnt bara+
vt vrth ẏ gviscaỽ. ac ẏn of+
naỽc erenigus ẏ doeth hi hẏt
ẏn ẏmẏl gỽelẏ gereint. ac ẏn
daỽel araf ẏ dẏwaỽt vrtha.
Arglỽẏd heb hi deffro a gwisc
ẏmdanat a|llẏma ẏmdidan ẏ
ẏ iarll a mẏui arglỽẏd a|e ued  ̷+
vl ẏmdanaf heb hi a dẏwedut
ẏ ereint ẏ holl ẏmdidan a oruc.
a|chẏt bei lidiaỽc ef vrthi hi
ef a gẏmerth rẏbud ac a|wis+
caỽd ẏmdanaỽ. a gwedẏ llosgi
cannỽẏll o·honei hi ẏn oleuad
itaỽ ef vrth wiscaỽ. adaỽ ẏna
ẏ gannỽẏll heb ef ac arch ẏ ỽr
ẏ tẏ dẏuot ẏma. Mẏnet a|oruc
hitheu. a gỽr ẏ tẏ a|doeth at+
taỽ. ac ẏna gouẏn a oruc
gereint itaỽ. a vdost ti pa am+
ken a|dẏlẏ di ẏ mi. ẏchẏdic a
debẏgaf. i. ẏ dẏlẏu iti vrda
heb ef. Beth bẏnnac nu a|dẏ+
lẏẏch kẏmer ẏr un march ar
dec a|r un arueu ar dec. Dẏỽ
a dalho it arglỽẏd heb ef ac
nẏ|threuleis. i. vrthẏt. ti. gỽrth*
un o|r arueu. pathaỽr heb ẏnteu
henbẏdẏ kẏuoethogach. a
vr heb ef a deudi deu|di ẏn
gẏuarwẏd ẏ mi o·dieithẏr
ẏ dref. af heb ẏnteu ẏn
llawen. a ffa draỽs ẏ mae
dẏ uedỽl ditheu arnaỽ. ẏ|r
parth arall ẏ|r lle ẏ deuthum
|r dref ẏ mẏnỽn uẏnet
Gỽr ẏ llettẏ a|e hebrẏghaỽd
ẏnẏ uu gỽbẏl ganthaỽ ẏr
hebryghẏad Ac ẏna ẏd erchis