Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 71v

Geraint

71v

419

marchaỽc pendrỽm goath  ̷ ̷+
rist racco llibin. a|r ẏmdidan
hỽnnỽ a gigleu enẏt ac nẏ
vẏdat hitheu beth a|wnai
rac ouẏn gereint ay dẏwedut
hẏnnẏ ae tewi. Dial dẏỽ ar  ̷+
naf heb hi onẏt dewissach
gennẏf uẏ agheu o|e laỽ ef
noc o laỽ neb a|chẏt ẏm latho
mi a|ẏ dẏwedaf itaỽ rac gwe  ̷+
led agheu arnaỽ ef ẏn dẏb  ̷+
rẏt. a chẏuaros gereint a
oruc ẏnẏ uẏd ẏn agos idi.
arglỽẏd heb hi a glẏwẏ di
geireu ẏ gwẏr ẏmdanat.
Drẏchauel ẏ vẏneb a oruc
ẏnteu ac ẏdrẏch arnei ẏn
llidiaỽc. Nẏd oed reit ẏ ti
namẏn cadỽ ẏ geir a erch+
ẏssit it. Sef oed hỽnnỽ
tewi. Nit amgeled gen  ̷ ̷+
nẏf ẏ teu ac nit rẏbud.
a chẏt mẏnnẏch ti weled
uẏ agheu. i. a|m diuetha o|r
gwẏr racco nẏt oes arnaf
.i. un ergẏssỽr. ac ar hẏnnẏ
estỽg gvaẏỽ a oruc ẏ blaẏn+
haf o·honunt a gossot ar
ereint. ac ẏnteu a|ẏ her  ̷ ̷+
bẏnẏaỽd ef ac nẏt ual gỽr
llesk. a gellỽg ẏ gossot hei+
baỽ a oruc. a gossot a oruc
ẏnteu ar ẏ marchaỽc ẏn
deỽred ẏ darẏan ẏnẏ hẏllt
ẏ darẏan ac ẏnẏ dẏr ẏr
arueu ac ẏnẏ uẏd dogẏn
kẏuelin uaỽr ẏndaỽ o|r
paladẏr ac ẏnẏ uẏd hẏd
gỽaẏỽ gereint dros bed+
rein ẏ uarch ẏ|r llawr. a|r
eil uarchaỽc a|e kẏrchaỽd
ẏn llidiaỽc am lad ẏ gẏ+

420

dẏmdeith. ac ar un gossot
ẏ bẏrẏaỽd ef hỽnnỽ ac llad  ̷+
aỽd ual ẏ llall. a|r trẏdyt a|
kẏrchaỽd ac ẏ·uelly ẏ llad  ̷ ̷+
aỽd. ac ẏ·uellẏ heuẏt llad+
aỽd ẏ petwẏrẏt. Trist ac
aflawen oed ẏ uorỽẏn ẏn
ẏdrẏch ar hẏnnẏ. Disgẏnnu
a oruc gereint a diot arueu
ẏ gwẏr lladedic ac eu dodi
ẏn kẏfrỽẏeu. a|ffrỽẏnglẏm+
hu ẏ meirch a oruc. ac ẏskẏn  ̷ ̷+
nu ar ẏ uarch. Welẏ di a|wne  ̷ ̷+
lẏch di|heb ef kẏmmer ẏ ped  ̷ ̷+
war meirch a gẏrr rac dẏ
uron. a cherda o|r blaen ual
ẏd ercheis it gẏnheu. ac na
dẏỽet ti dim geir vrthẏf
.i. ẏnẏ dẏwettỽẏf. i. vrthẏt
ti. ẏ|m kẏffes ẏ dẏỽ heb ef os
hẏnnẏ nẏ wneẏ; nẏ bẏt di  ̷ ̷+
boen it. Mi a|wnaf uẏg gallu
am hẏnnẏ arglỽẏt heb hi
vrth dẏ gẏghor di. Vẏnt a
gerdassant raccdunt ẏ goet.
Ac adaỽ ẏ coet a orugant
a dẏuot ẏ wastattir maỽr.
ac ẏm|perued ẏ gỽastattir
yd oet bẏrgoet pendeỽ dẏ  ̷+
rẏs. ac ẏ vrth hỽnnỽ ẏ gwe  ̷ ̷+
lẏnt tri marchaỽc ẏn dẏuot
attunt ẏn gẏweir o ueirch
ac arueu hẏt ẏ llaỽr ẏmda+
nunt ac ẏmdan eu meirch.
Sef a oruc ẏ uorỽẏn ẏdrẏch
ẏn graf arnunt. a ffan do+
ethant ẏn agos. Sef ẏm  ̷ ̷+
didan a glẏwei ganthunt
llẏma dẏuot da ẏnni heb
vẏnt ẏn segur pedwar  ̷
meirch a|fedwar arueu.
ac ẏr ẏ marchaỽc llaestrist