Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 69v

Geraint

69v

411

arthur kyd boet dẏhiir genyf
.i. dẏ uẏnet ti; mẏnet o·ho  ̷+
not ẏ gẏuanhedu dẏ gẏfoẏth
ac ẏ gadỽ dẏ deruẏneu. a|ch+
ẏmer ẏ niuer a uẏnnẏch ẏ+
gẏd a|thi. a mỽẏaf a gerẏch
o|m fydlonẏon. i. ẏn hebrẏg+
ẏeid arnat. ac a|th garant
titheu a|th gẏt·uarchogẏon
Dẏỽ a|dalho it a|minheu a  ̷ ̷
wnaf hẏnnẏ heb·ẏ gereint
Pa odỽrd heb·ẏ gwenhỽẏ  ̷+
uar a glẏwaf. i. ẏ. gẏnỽch
chỽiae am hebrẏgẏeit ar
ereint parth a|e wlad. Je heb+
ẏr arthur. reit ẏỽ ẏ minneu
uedẏlẏaỽ heb hi am hebrẏgẏ  ̷+
eid a diwallrỽẏd ar ẏr unben  ̷ ̷+
nes ẏssẏd gyd a minneu. Jaỽn
a wneẏ heb·ẏr arthur. ac ẏ
gẏscu ẏd aẏthant ẏ nos hon  ̷ ̷+
noa|thrannoeth ẏd ellẏgỽẏd
 kennadeu ẏ ẏmdeith. a dẏ  ̷+
wedut udunt ẏ deuei ereint
ẏn|ẏ hol ẏ trẏdẏdẏt gỽedẏ
hẏnẏ ẏ kẏchwẏnaỽd gereint
Sef y niuer a aeth gẏd ac ef
Galchmei uab gwẏar. a
Riogoned uab brenin iwerdon.
ac ondẏaỽ uab duc bỽrgỽin.
Gỽilim uab rỽẏf freinc. Ho  ̷ ̷+
wel uab ẏmer|llẏdaỽc. Eliurẏ
anaỽ kẏrd. gwẏn uab trin  ̷ ̷+
gatGoreu uab custennẏn.
Gweir gỽrhẏt uaỽrGaran  ̷ ̷+
naỽ uab golithmerPeredur
uab Euraỽc. Gwẏn llogell
gwẏr ẏnat llẏs arthur.
Dẏuẏr uab alun dẏuet.
Gỽrei gwastaỽd ieithoed.
Bedwẏr uab bedraỽt kadỽry  ̷

412

uab gỽrẏon. Kei uab kẏnẏr.
Odẏar franc. ystiward llẏs arthur
ac edern uab nud. heb·ẏ gereint
a glẏỽaf. i. digaỽn uarchogaẏth
a uẏnhaf ẏ·gẏt a mi. Je heb·ẏr
arthur nẏ weda iti dỽẏn ẏ gỽr
hỽnnỽ ẏ·gẏt a|thi kẏd boet iach
ẏnẏ wneler tagneued ẏ·rẏgthaỽ
a gwenhỽẏuar. Ef a allei ẏ
wenhỽẏuar ẏ ganhadu gẏt a
mi ar ueicheu. Os canẏhatta
canẏhatted ẏn rẏd heb ueicheu.
canẏs digaỽn o gẏmỽẏeu a go+
uudeu ẏssẏd ar ẏ gỽr ẏn lle
sẏrhaed ẏ uorỽẏn ẏ gan ẏ corr.
Je heb·ẏ gỽenhỽẏuar a|welẏch
di ẏ uot ẏn iaỽn am hẏnnẏ ti
a gereint mẏui a|ẏ gỽnaf ẏn
llawen arglỽẏd. ac ẏna ẏ canẏ*+
hadadaỽd hi. edern uẏned ẏn
rẏd a digaỽn ẏ am hẏnnẏ a|aeth
ẏn hebrẏgẏheit ar ereint. a|ch+
ẏchwẏn a orugant a|cherdet
ẏn vẏmpaf niuer a welas neb
eiroẏt parth a hafren. ac ar ẏ
parth draỽ  hafren ẏd oed go  ̷ ̷+
reugwẏrErbin uab custennẏn
a|ẏ datmaeth ẏn eu blaen ẏn
aruoll gereint ẏn llawen a
llawer o|wraged ẏ llẏs ẏ gan
 uam ẏnteu ẏn erbẏn enẏt
uerch ẏnyỽl y wreic ynteua
diruaỽr oruoled a llẏwenẏd
a gẏmerth paỽb o|r|llẏs ẏndunt
ac o|r holl gẏuoeth yn erbẏn
gereint rameint ẏ kerẏnt
ef a rac meint  kẏnnullassei
ẏnteu clot o|r pan athoed ẏ vrth+
unt hẏ. ac am uot ẏ uedỽl
ẏnteu ar dẏuot ẏ wereskẏn
ẏ gẏuoeth e hunac ẏ gadỽ  ̷