Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 54v

Owain

54v

255

a|uackei e|hun a|cherdet a oru  ̷+
gant ar hẏt  dyd educher. a| ̷+
fan uu amser gan owein orffo+
ỽẏs discẏnnu a|oruc ac ellỽg ẏ
varch |bori ẏ|mẏỽn dol wastat
goedaỽc a llad tan a|oruc owein
A|ffan uu baraỽt ẏ tan gan owe  ̷+
in d oed gan ẏ lleỽ dogẏn o|gẏn  ̷+
nut hẏt ẏmphen teir nos. a|dif  ̷+
flannu a|oruc ẏ lleỽ ẏ ganthaỽ
ac ẏn|ẏ lle na·chaf ẏ lleỽ ẏn dẏfot
attaỽ a|chaeriỽrch maỽr telediỽ
ganthaỽ a|ẏ vỽrỽ ger bron owe  ̷ ̷+
in a mẏnet ẏ orwed ẏ am ẏ tan
ac ef. a chẏmrẏt a|oruc owein ẏ
kaeriỽrch a|ẏ vligẏaỽ a dodi golhỽ  ̷+
ẏthẏon ar vereu ẏg·kẏlch ẏ tan
a rodi ẏ iỽrch oll namẏn hẏnnẏ
|r lleỽ ẏ ẏssu. ac val ẏ bẏdei owe  ̷+
in ẏ·vellẏ ef a glẏỽei och waỽr
a|r eil a|trẏdet. ac ẏn agos attaỽ
a gofẏn a|oruc owein aẏ bẏdaỽl
a|ẏ gỽnaei. Je ẏs|gỽir heb ẏ|dẏn
pỽẏ ỽẏt titheu heb·ẏr owein. di+
oer heb hi lunet ỽẏf i llaỽ·vorỽẏn
iarlles ẏ ffẏnẏhaỽn. beth a|ỽneẏ
di na heb·ẏr owein. vẏg karcha+
ru heb hi o|achaỽs gỽraang a do  ̷+
eth o lẏs ẏr amheraỽdẏr ac a|uu
rẏnnaỽd gẏt a|hi. ac ẏd aeth ẏ
dreiglẏaỽ lẏs arthurac nẏ doeth
vẏth drachefẏn. a|r kedẏmdẏeith
oed ef genhẏf i mỽẏhaf a|garỽn
o|r holl vẏt. Sef a|oruc deu o|weis+
sẏon ẏstauell ẏ iarlles ẏ|oganu
ef ẏ|m gỽẏd i. a|e alỽ ẏn dỽẏllỽr
bradỽr. Sef ẏ dẏỽedeis inheu na
allei eu deu gorff hỽẏnt amrẏs  ̷+
son a|e vn gorff ef. ac am hẏnnẏ

256

vẏg karcharu ẏn|ẏ llestẏr maen
hỽn a orugant a dẏỽedut na bydei
vẏ eneit ẏ|m korff onẏ deuhei ef
|m hamdiffin i ẏn oet ẏ dẏd ac nẏt
pellach ẏr oet no threnhẏd ac nẏt
oes ymi neb a|e keissẏo ef. Sef oed
ẏnteu owein vab vrẏen. a oed di+
heu genhẏt titheu heb·ẏr ẏnteu
pei gỽyppei ẏ gỽreanc hỽnnỽ hynnẏ
ẏ deuhei efo ẏ|th hamdiffẏn didiheu
ẏrof a duỽ heb hi. a|ffan uu digaỽn
poeth ẏ golỽẏthẏoeu rannu a oruc
owein ẏn deu hanher ẏ·rẏdaỽ a|r
vorỽẏn. a bỽẏta a orugant. a gỽedẏ
hẏnnẏ ẏmdidan hẏnẏ uu dẏd dra+
noeth. a thrannoeth gofẏn a|oruc
owein ẏ|r vorỽẏn a oed le ẏ gallei
ef caffel bỽẏt a lleỽenẏd y nos hono.
oes arglỽẏd heb hi dos na drỽod
heb hi ẏ|r rẏt a cherda ẏ fford gan
stlẏs ẏr afon ac ẏm phen y myn*+
d ti a elẏ gaer vaỽr a thẏrẏeu
amhẏl arnei a|r iarll pieu  gaer
honno goreu gỽr am vỽẏt ẏỽ ac
ẏno y gellẏ vot heno ac nẏ ỽẏlẏỽẏs
gỽẏlỽr  arglỽẏd eirẏoet ẏn gystal
ac  gỽẏlẏỽẏs ẏ lleỽ owein  nos
gẏnt. ac ẏna kẏỽeirẏaỽ  varch
a|oruc owein a|cherdet racdaỽ trỽẏ
ẏ rẏt hẏnẏ welas  gaer ac |r gaer
ẏ doeth owein a| aruoll a|ỽnaeth+
pỽẏt ida ẏno ẏn anrẏdedus a|chẏ+
weirẏaỽ  varch ẏn diwall a dodi
dogẏn o vỽẏt ger y vron a mynet
a oruc  lleỽ |bresseb  march 
orwed hẏt na leuassei neb o|r gaer
vẏnet ẏg kẏfẏl  march racdaỽ
a|diheu oed gan owein na|ỽelas
eirẏoet lle kẏstal  wassanaeth