Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 54r

Owain

54r

253

goreu o|r bẏt. a eẏ|di ẏ erchi ben  ̷ ̷+
fic march ac arueu ẏmi at ẏr
iarlles heb·ẏr owein val ẏ gall  ̷+
ỽn vẏnet ẏn edrẏchẏat ar ẏ llu.
af ẏn llaỽen heb ẏ vorỽẏn. a|dẏfot
at ẏ iarlles a|oruc ẏ vorỽẏn a|dẏue  ̷+
dut ỽrthi cỽbẏl o|ẏ ẏmadraỽd. Sef
a oruc ẏ iarlles ẏna chỽerthin.
Ẏ·rof a duỽ heb hi mi a rodaf idaỽ
varch ac arueu vẏth ac nẏ bu ar
ẏ helỽ ef eirẏoet varch ac arueu
well noc ỽẏnt a da ẏỽ genhẏf i
eu kẏmrẏt o·honaỽ rac eu caffel
o|m gelẏnnẏon a·vorẏ o|m hanfod
ac nẏ ỽn beth a vẏn ac ỽẏnt. a dẏ  ̷+
fot a ỽnaethpỽẏt a gỽascỽẏn du
telediỽ a chẏfrỽẏ faỽẏd arnaỽ
ac a dogẏn o arueu gỽr a march
a gỽiscaỽ a oruc ẏmdanaỽ ac es  ̷+
cẏnnu ar ẏ march a mẏnet ẏm  ̷+
deith a deu vaccỽẏf gẏt ac ef ẏn
gẏỽeir o veirẏch ac arueu. a ffan
doethant parth a llu ẏr iarll nẏ
ỽelẏnt nac emẏl nac eithaf idaỽ.
a gofẏn a|oruc owein ẏ|r mackỽẏ+
eit pa vẏdin ẏd oed ẏr iarll ẏndi.
ẏn ẏ vẏdin heb ỽẏnt ẏ mae ẏ pe+
deir ẏstondard melẏnẏon racco
ẏndi. dỽẏ ẏssẏd o|e vlaen a dỽẏ
ẏn|ẏ ol. Je heb·ẏr owein eỽch|i i*
drachefẏn ac aroỽch vẏvẏ ẏm|po  ̷ ̷+
rth ẏ kastell ac ẏmhoelut a|oru  ̷+
gant hỽy. a cherdet a oruc owein
racdaỽ trỽẏ ẏ dỽẏ vẏdin vlaen  ̷+
haf hẏnẏ gẏuervẏd a|r iarll. a|e
dẏnnu a|oruc owein efo o|ẏ gẏfrỽẏ
ẏnẏ vẏd ẏ·rẏdaỽ a|chorẏf ac ẏm  ̷ ̷+
hoelut pen ẏ varch parth a|r cas+
tell a oruc. a|ffa o·vit bẏnhac a gafas

254

ef a doeth a|r iarll ganthaỽ hẏ+
nẏ doeth ẏ borth ẏ castell lle ẏd
oẏdẏnt ẏ mackỽẏeit ẏn|ẏ aros
ac ẏ mẏỽn ẏ doethant. a|r iarll
a rodes owein ẏn anrec ẏ|r iarll+
es a|dẏwedut ỽrthi val hẏn ỽelẏ di
ẏma ẏtti pỽẏth ẏr ireit bendige+
dic a|gefeis i genhẏt ti. a|r llu a
bebẏllẏỽẏs ẏg·kẏlch ẏ castell
ac ẏr rodi bỽẏt ẏ|riarll ẏ rodes
ef ẏ dỽẏ iarllaeth idi trachefẏn
ac ẏr rẏdit idaỽ ẏnteu ẏ rodes
hanher ẏ gẏfoeth e|hun a|chỽbẏl
o|e heur a|ẏ haryant a|ẏ thlẏsseu
a gỽẏstlẏon ar hẏnnẏ. ac ẏmde+
ith ẏd aeth owein a|ẏ wahaỽd
a oruc ẏ iarlles ef a|ẏ gẏfoeth oll
ac nẏ mẏnỽẏs owein namẏn
kerdet racdaỽ eithavoed ẏ|bẏt
a diffeithỽch. ac val ẏd oed ẏ ve+
llẏ ẏn kerdet ef a|glẏỽei discẏr
vaỽr ẏ mẏỽn coet a|r eil a|r drẏdet
a dẏfot ẏno a|oruc. a|ffan daỽ ef
a ỽelei clocurẏn maỽr ẏg kanaỽl
ẏ koet a charrec lỽẏt ẏn ẏstlẏs
ẏ brẏn. a hollt a oed ẏn|ẏ garrec.
a sarff a|oed ẏn ẏr hollt a lleỽ pur+
ỽẏn a oed ẏn emẏl ẏ sarff. a|ffan
geissẏei ẏ lleỽ vẏnet odẏno ẏ
neitẏei ẏ sarff idaỽ. ac ẏna ẏ
dodei ẏnteu diskẏr. Sef a oruc
owein ẏna dispeilẏaỽ cledẏf a
nessau ar ẏ garrec. ac val ẏd oed
ẏ ssarf ẏn dẏfot o|r garrec ẏ tha+
raỽ a|oruc owein a chledẏf ẏnẏ
vẏd ẏn deu hanher ẏ|r lloỽr a
dẏfot ẏ fford val kẏnt. Sef ẏ
gỽelei ẏ lleỽ ẏn|ẏ ganlẏn ac
ẏn gỽare ẏn|ẏ gẏlch ual milgi