Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 50r

Owain

50r

229

a|r koet ac ẏ|r wahanfford a ve  ̷+
negis ẏ gỽr ẏ deuthum hẏt ẏ
llannerch. a ffan deuthum ẏno
hoffach oed genhẏf a|welỽn ẏno
o aniweileit gỽẏllt no thri chẏm  ̷ ̷+
eint a dẏwaỽt ẏ gỽr. a|r gỽr du
a|oed ẏno ẏn eisted ẏm phen ẏr
orssed maỽr ẏ dẏwaỽt ẏ gỽr ẏ
mi ẏ vot ef. Mỽẏ oed ef lawer no
hẏnnẏ. a|r ffon haẏarn a a*|dẏwe  ̷+
dassei ẏ gỽr vot llỽẏth deuỽr
ẏndi hẏspẏs oed genhẏf i gei vot
ẏndi llỽẏth petwar milỽr. hon  ̷+
no a oed ẏn llaỽ ẏ gỽr du. a chẏ  ̷+
uarch gỽell a orugum i ẏ|r gỽr
du ac nẏ dẏwedei ẏnteu ỽrthẏf
namẏn gỽrthgroched a gowẏn
a|ỽneuthum idaỽ pa wedẏant
a|oed ida ef ar ẏr aniỽeileit. Mi
a dangossaf ẏtti dẏn bẏchan heb
ef. a chẏmrẏt ẏ ffon ẏnn|ẏ laỽ a
tharaỽ karỽ a hi dẏrnaỽt maỽr
hẏnẏ rẏd ẏnteu vreiuat maỽr.
ac ỽrth ẏ vreiuat ef. ẏ doeth o a  ̷+
niueileit gỽẏllt hẏnẏ oed gẏn
hamlet a|r ser ar ẏr awẏr. ac hẏ  ̷+
nẏ oed kẏuẏg ẏ mi seuẏll ẏn|
llannerch gẏt ac hỽẏnt a|hẏnnẏ
o seirff a lleỽot a gỽiberot ac am  ̷+
rẏual aniueileit. ac edrẏch a|oruc
ẏnteu ar·nadunt hỽẏ. ac erchi
udunt vẏnet ẏ bori. ac estỽng
eu penneu a orugant hỽẏnteu
ac adoli idaỽ ef val ẏ gỽnaei i
gỽẏr gỽaredaỽc ẏ eu harglỽẏd
a dẏwedut ỽrthẏf i. a welẏ|d·
ẏna dẏn bẏchan. ẏ medẏant
ẏssẏd ẏ mi ar ẏr aniveileit hẏn.
ac ẏna gouẏn fford a|ỽneuthum

230

idaỽ ef. a garỽ uu ẏnteu ỽrth  ̷+
ẏf|i. ac eissoes gouẏn a oruc ef
ẏmi pa|le ẏ mẏnnỽn vẏnet
a dẏwedut a|ỽneuthum idaỽ
pa rẏỽ wr oedỽn a|ffa beth a
geissỽn. a menegi a oruc ẏnteu
ẏmi. Kẏmher heb ef ẏ|fford ẏ
dal ẏ llannerch a|cherda ẏn er  ̷ ̷+
bẏn ẏr allt vchot hẏnẏ delẏch
|ffen. ac odẏno ti a welẏ ẏstrat
megẏs dẏffrẏn maỽr. ac ẏm
pherued ẏr ẏstrat ẏ gỽelei pr  ̷ ̷+
en maỽr a|glassach ẏ vric no|r
fenitwẏd glassaf. ac ẏ·dan
ẏ pren hỽnnỽ ẏ mae fẏnhaỽn.
ac ẏn emhẏl ẏ fẏnhaỽn ẏ mae
llech waỽr. ac ar ẏ llech ẏ mae
kaỽc arẏant ỽrth kadỽẏn arẏ+
ant mal na ellir ẏ gỽahanu.
a chẏmer ẏ kaỽc a bỽrỽ kaỽge+
it o|r dỽfẏr am ben ẏ llech. ac
ẏna ti a glẏỽẏ tỽrỽf maỽr.
a thi a debẏgẏ orgrẏmhu ẏ nef
a|r daẏar gan ẏ tỽrỽf. ac ẏn ol
|tỽrỽf ef a|daỽ cawat adoer.
ac a vẏd abreid ẏtti ẏ|diodef
hi ẏn vẏw. a|chẏnllẏsc vẏd.
ac ẏn ol ẏ kawat hinon a vẏd.
ac nẏ bẏd vn dalen ar ẏ pren
nẏ|r darffo ẏ|r kawat ẏ|dỽẏn.
ac ar hẏnnẏ ẏ daỽ kawat o a+
dar ẏ|discẏnnu ar ẏ pren ac nẏ
chlẏweist ẏ|th wlat dẏ hun eir+
ẏoet kerd kẏstal ac a ganant
hỽẏ. a ffan vo digriffaf genhẏt
ẏ gerd ti a glẏwẏ tuchan a|chỽ+
ẏnuan maỽr ẏn dẏfot ar hẏt
ẏ dẏffrẏn parth ac attat. aar
hẏnnẏ ti a wely varchaỽc ẏ ar