Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 4r

Y gainc gyntaf

4r

13

un o|r llẏs kẏnnedẏf ẏr ors+
sed ẏỽ pa dẏlẏedauc bẏnnac
a eistedo arnei nat a odẏno
heb un o|r deupeth aẏ kẏm  ̷+
riỽ neu archolleu neu ẏn  ̷+
teu a ỽelei rẏwedaỽt. nẏt
oes arnaf i ouẏn cael kẏm  ̷+
riỽ neu archolleu ẏm·plith
hẏnn o niuer. rẏuedaỽt
hagen da oed gennẏf pei
ẏs|guelỽn. Mi a|af heb ẏn  ̷+
teu ẏ|r orssed ẏ eisted. eisted
a ỽnath ar ẏr orssed. ac ỽal
ẏ bẏdẏnt ẏn eisted ỽẏnt
a ỽelẏnt gỽreic ar uarch
canỽelỽ maỽr aruchel a
gỽisc eureit llathreit o ba  ̷+
li amdanei ẏn dẏuot ar  ̷
hẏt ẏ prifford a gerdei heb
laỽ ẏr orssed. kerdet araf
guastat oed gan ẏ march
ar urẏt ẏ neb a|ẏ guelei. ac
ẏn dẏuot ẏ ogẏuuch a|r ors  ̷+
sed. a ỽẏr heb·ẏ pỽẏll a|oes
ohonaỽch i a adnappo ẏ uar  ̷+
choges. nac oes arglỽẏd
heb ỽẏnt. aet un heb ẏn  ̷+
teu ẏn|ẏ herbẏn ẏ ỽẏbot
pỽẏ ẏỽ. un a|gẏuodes ẏ|uẏ  ̷ ̷+
nẏd a|phan doeth ẏn|ẏ her  ̷+
bẏn ẏ|r ford neut athoed
hi heibaỽ. ẏ hẏmlit a|ỽna  ̷+
eth ual ẏ gallei gẏntaf o  ̷
pedestric. a fei mỽẏf* uei ẏ
urẏs ef pellaf uẏdei hitheu
e|ỽrthaỽ ef. a phan ỽelas

14

na thẏgẏei idaỽ idaỽ*
ẏ hẏmlit ẏmchỽelut
a oruc at pỽẏll a|dẏỽedut
ỽrthaỽ. arglỽẏd heb ef
ni thẏkẏa ẏ pedestric ẏn|
bẏt e|hẏmlit hi. Je heb ẏ  ̷+
nteu pỽẏll dos ẏ|r llẏs
a|chẏmer ẏ march kẏn  ̷+
taf a|ỽẏpẏch a dos ragot
ẏn|ẏ hol. y march a gym  ̷+
erth ac racdaỽ ẏd aeth.
ẏ maestir guastat a ga  ̷+
uas. ac ef a|dangosses
ẏr ẏsparduneu ẏ|r march.
a ffei uỽẏaf ẏ lladei ef ẏ
march pellaf uẏdei hith  ̷+
eu e|ỽrthaỽ ef. yr vn ger  ̷+
det a dechreuẏssei hitheu
ẏd oed arnaỽ. Ẏ uarch ef
a|ballỽẏs. a phan ỽẏbu ef
ar ẏ uarch pallu ẏ bedes  ̷+
tric ẏmchỽelut ẏn ẏd oed  ̷
pỽẏll a|ỽnaeth. arglỽẏd
heb ef nẏ thẏkẏa ẏ neb  ̷
ẏmlit ẏr unbennes racco.
nẏ ỽydỽn i ỽarch gẏnt
ẏn|ẏ kẏuoẏth no hỽnnỽ
ac ni thẏgẏei ẏmi ẏ hẏm  ̷+
lit hi. Je heb ẏnteu pỽẏll.
ẏ mae ẏno rẏỽ ẏstẏr hut.
aỽn parth a|r llẏs. y|r llẏs
ẏ doethant. a|threulau ẏ
dẏd hỽnnỽ a|ỽnaethant.
a thrannoeth kẏuodi e|uẏ  ̷+
nẏd a|ỽnaethant a|threu  ̷+
laỽ hỽnnỽ ẏnẏ oed amser