Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 47v

Breuddwyd Macsen

47v

187

eudaf ẏn gỽare ẏr ỽẏdbỽẏll.
ac a|welas eudaf vab caradaỽc
ẏn eisted ẏ|mẏỽn kadeir o ascỽrn
ẏn torri gỽerin ẏr ỽẏdbỽẏll.
Y vorỽẏn a|welas trỽẏ e|hun
ef a|e gỽelei ẏn eisted ẏ|mẏỽn
ẏ gadeir eur. amherodres ru  ̷ ̷+
fein heb ef hanpẏch gỽell. a
mẏnet dỽẏ·laỽ mẏnỽgẏl idi
a|wnaeth ẏr amheraỽdẏr. a|r
nos honno ẏ kẏscỽẏs genthi.
a thranoeth ẏ bore ẏd erchis
ẏ vorỽẏn ẏ hagỽedi am ẏ chaf  ̷+
fel ẏn vorỽẏn. ac ẏnteu a|erch  ̷+
is idi nodi ẏ hegỽedi. a|hitheu
a|nodes ẏnẏs prẏdein ẏ|ỽ that.
o vor rud hẏt ẏ|mor iwerdon.
a|r teir rac·ẏnẏs eu dala ẏdan
amherodres rufein. a|gỽneu  ̷+
thur teir prif gaer idi hitheu
ẏn|ẏ tri lle a|dewissei ẏn ẏnẏs
prẏdein. ac ẏna ẏ|dewissaỽd
gỽneuthur ẏ gaer uchaf ẏn
ar·von idi. ac ẏ ducpỽẏt egỽe  ̷ ̷+
rẏt rufein ẏno. hẏt pan vei
iachussach ẏ|r amheraỽdẏr ẏ
gẏscu ac ẏ eisted ac ẏ ẏmdeith.
Odẏna ẏ gỽnaethpỽyt ẏ|dỽẏ
gaer ereill idi. nẏt amgen;
kaer llion. a|chaer vyrdin.
a diwarnaỽt yd aeth ẏr am  ̷ ̷+
heraỽdẏr ẏ hela ẏ gaer vẏrdin.
ac ẏd aeth hẏt ẏm pen ẏ|freni
uaỽr. a|thẏnnu pebẏll a oruc
ẏr amheraỽdẏr ẏno. a|chadeir
axen ẏ gelwir ẏ pebẏllua hon  ̷+
no ẏr hẏnnẏ hẏt hediỽ. O ach  ̷+
aỽs ẏnteu gỽneuthur ẏ|gaer
o vẏrd o|wẏr ẏ|gelwit kaer vẏr  ̷+
din. Odẏna ẏ medẏlẏỽẏs elen

188

gỽneuthur prif fẏrd o pop gaer
hẏt |gilẏd ar traỽs ẏnẏs prẏ  ̷+
dein. ac ẏ gỽnaethpỽẏt ẏ|ffẏrd.
ac o achaỽs hẏnnẏ ẏ|gelwir ffẏrd
elen luẏdaỽc ỽrth ẏ hanuot hi
o ẏnẏs prẏdein. ac na wnaei
wẏr ẏnẏs prẏdein ẏ|lluẏdeu
maỽr hẏnnẏ ẏ neb namẏn idi
hi. Seith mlẏned ẏ bu ẏr am  ̷+
heraỽdẏr ẏn ẏr ẏnẏs hon. Sef
oed defaỽt gỽẏr rufein ẏn ẏr
amser hỽnnỽ. Pa amheraỽdẏr
bẏnhac a driccẏei ẏ|g·wladoed
ereill ẏn kẏnydu seith mlẏned;
trickei ar ẏ werescẏn. ac nẏ
chaffei dẏuot rufein trachefẏn.
ac ẏna ẏ gỽnaethant ỽẏnteu
amheraỽdẏr newẏd. ac ẏna ẏ|gỽ  ̷+
naeth hỽnnỽ lẏthẏr bẏgỽth ar
vaxen. Nẏt oed hagen o|lẏthẏr
namẏn; o deuẏ ti ac o deuẏ di bẏth
ẏ rufein. ac hẏt ẏg kaer llion ẏ
doeth ẏ llẏthẏr hỽnnỽ ar vaxen
a|r chwedleu. ac odẏno ẏd anuo  ̷+
nes ẏnteu lythẏr at ẏ|gỽr a|dẏ  ̷+
wedei ẏ vot ẏn amheraỽdyr ẏn
rufein. Nẏt oed ẏn|ẏ llẏthẏr
hỽnnỽ heuẏt namẏn ot af in  ̷+
heu ẏ rufein ac ot af. ac ẏna
ẏ kerdỽẏs maxen ẏn|ẏ luẏd pa  ̷+
rth a rufein. ac ẏ gỽerescẏnnỽẏs
ffreinc a|bỽrgỽin a|r holl wladoed
hẏt ẏn rufein. ac ẏd eistedaỽd
ỽrth ẏ gaer rufein. blỽẏdẏn ẏ|bu
ẏr amheraỽdẏr ỽrth ẏ|gaer.
nẏt oed nes idaỽ ẏ|chaffel no|r
dẏd kẏntaf. ac ẏn|ẏ ol ẏnteu
ẏ doeth brodẏr y elen luẏdaỽc
o ẏnys prẏdein a|llu bẏchan gan  ̷+
thunt. a gỽell ẏmladwẏr oed