Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 43v

Peredur

43v

171

goreu a allỽẏf am ẏr hẏnn ẏd  ̷ ̷
ỽẏt ẏn|ẏ geissaỽ. a|r petwerẏd  ̷ ̷
dẏd arofun a wnaeth peredur ẏ
ẏmdeith. ac adolỽẏn ẏ|r balaỽc  ̷
dẏwedut kẏfarỽẏdẏt ẏ ỽrth i  ̷ ̷
gaer ẏr enrẏfedodeu. kẏmeint
a ỽẏpỽẏf|i. mi a|e dẏwedaf it. Dos  ̷
dros ẏ|mẏnẏd racco. a|thu hỽnt
|r mẏnẏd ẏ mae afon. ac ẏn dẏf  ̷+
frẏn ẏr auon ẏ mae llẏs bren  ̷ ̷+
hin. ac ẏno ẏ bu ẏ brenhin ẏ|pasc.
ac o|r keffẏ ẏn vn lle chwedẏl ẏ
ỽrth gaer ẏr enrẏfededeu. ti a| ̷ ̷
keffẏ ẏno. ac ẏna ẏ kerdaỽd rac  ̷ ̷+
daỽ ac ẏ deuth ẏ dẏffrẏn ẏr afon.
ac ẏ kẏfaruu ac ef nifer o|wẏr
ẏn mẏnet ẏ hela. ac ef a welei  ̷ ̷
ẏmplith ẏ nifer gỽr urdedic. a  ̷
chẏfarch gỽell idaỽ a|oruc peredur.
Dewis ti vnben ae ti a|elẏch
|r llẏs. ae titheu dẏuot gẏt a
mi ẏ hela. ae minheu a ẏrraf
vn o|r teulu ẏ|th orchẏmẏn ẏ ve  ̷ ̷+
rch ẏssẏd im ẏno ẏ gẏmrẏt bỽẏt
a llẏn hẏnẏ delỽẏf o hela. ac o|r
bẏd dẏ negesseu hẏt ẏ gallỽẏf|i
eu kaffel; ti a|e keffẏ ẏn llaỽen.
a gẏrru a wnaeth ẏ brenhin i
gỽas bẏrr·velẏn gẏt ac ef. a|ph  ̷+
an doethant ẏ|r llẏs. ẏd oed ẏr
vnbennes gỽedẏ kẏfodi ac ẏn
mẏnet ẏ ẏmolchi. ac ẏ|deuth peredur
racdaỽ. ac ẏ graessaỽaỽd hi peredur
ẏn llawen. a|e gẏnnỽẏs ar ẏ ne  ̷ ̷+
illaỽ. a|chẏmrẏt eu kinẏaỽ a o  ̷ ̷+
rugant. a pheth bẏnhac a dẏwe  ̷ ̷+
ttei Peredur ỽrthi; wherthin a wnai
hitheu ẏn vchel. Mal ẏ clẏwei
paỽb o|r llẏs. ac ẏna ẏ dẏwaỽd
ẏ gỽas bẏrruelẏn ỽrth ẏr vn  ̷ ̷+

172

bennes. Mẏn vẏg cret heb ef o| ̷ ̷
bu ỽr itti eiroet ẏ maccỽẏ hỽnn
a uu. ac onẏ bu ỽr it; mae dẏ vrẏt
a|th uedỽl arnaỽ. a|r gỽas bẏrr+
velẏn a|aeth parth a|r brenhin.
ac ẏnteu a|dẏwaỽt. Mae tebẏccaf
oed gantaỽ vot ẏ maccỽẏ a gyfar  ̷ ̷+
fu ac ef ẏn ỽr o|e verch. ac onẏt
gỽr mi a tebẏgaf ẏ bẏd gỽr idi ẏn
ẏ lle onẏt ẏmogelẏ racdaỽ. Mae
dẏ gẏghor ti was. Kẏghor ẏỽ gen  ̷ ̷+
hẏf ellỽg deỽrwẏr am ẏ pen a|e
dala hẏnẏ ỽẏppẏch diheurỽẏd am
hẏnnẏ. ac ẏnteu a ellẏgaỽd gỽẏr  ̷ ̷
am pen peredur o|e dala ac ẏ dodi ẏ
mẏỽn geol. a|r vorỽẏn a doeth
ẏn erbẏn ẏ that ac ofẏnnaỽd idaỽ
pẏ achaỽs ẏ parassei karcharu
ẏ maccỽẏ o lẏs arthur. Dioer  ̷ ̷
heb ẏnteu nẏ bẏd rẏd heno nac
auorẏ na threnhẏd ac nẏ daỽ o|r
lle ẏ mae. Nẏ ỽrthneuaỽd hi ar
ẏ brenhin ẏr hẏn a dẏwaỽt. a
dẏfot at ẏ maccỽẏ. ae anigrẏf
genhẏt ti dẏ vot ẏma. Nẏ|m torei
kẏnẏ bẏdỽn. Nẏ bẏd gỽaeth dẏ
welẏ a|th ansaỽd noget vn ẏ bre  ̷ ̷+
nhin. a|r kerdeu goreu ẏn|ẏ llẏs  ̷ ̷
ti a|e keffẏ ỽrth dẏ gyghor. a|phei
didanach genhẏt titheu no chẏnt
vot vẏg gỽelẏ i ẏma ẏ ẏmdidan
a|thi ti a|e kaffut ẏn llawen. Nẏ
ỽrthneuaf|i hẏnnẏ. ef a uu ẏg
karchar ẏ nos honno. a|r vorỽẏn
a gẏwiraỽd ẏr hẏn a adaỽssei
idaỽ. a|thranoeth ẏ clẏwei peredur
kẏnhỽrỽf ẏn|ẏ dinas. Oi a vorỽẏn
tec pẏ gẏnhỽrỽf ẏỽ hỽnn. llu ẏ
brenhin a|e allu ẏssẏd ẏn dẏfot
|r dinas hỽn hediỽ. Peth a uẏnant