Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 42v

Peredur

42v

167

ac ẏn hỽnnỽ ẏ mae whech mar  ̷ ̷+
chaỽc a|thrugeint a phẏm cant
o varchogẏon vrdaỽl. a|r wreic
uỽẏhaf a gar pob vn gẏt ac ef.
a|phỽẏ|bẏnhac a vẏnho ennill
clot o arueu ac o ẏmwan ac o|ẏm  ̷+
lad ef a|e keiff ẏno os dirper. a
vẏnnei hagen arbenhicrỽẏd clot
ac etmẏc. gỽn ẏ lle ẏ kaffei. kastell
ẏssẏd ar uẏnẏd amlỽc. ac ẏn hỽnnỽ
ẏ mae morỽẏn. ac ẏn|ẏ gẏfeistedaỽd
ẏd ẏttẏs. a|phỽẏ bẏnhac a allei ẏ
rẏdhau; pen clot ẏ bẏt a gaffei.
ac ar hẏnnẏ kẏchwẏnu ẏmdeith
a|oruc. Heb·ẏ gỽalchmei. Mẏn vẏg  ̷
cret nẏ chẏsgaf hun lonẏd nes
gỽẏbot a allỽẏf ellỽg ẏ vorỽẏn.
a|llawer o teulu arthur a gẏt·tun  ̷+
naỽd ac ef. amgen hagen ẏ dẏwa  ̷+
ỽt peredurMẏn vẏg cret nẏ chẏscaf
hun lonẏd nes gỽẏbot chwedẏl
ac ẏstẏr ẏ gỽaẏỽ a|dẏwaỽt ẏ vorỽ  ̷ ̷+
ẏn du ẏmdanaỽ. a|phan ẏttoed pa  ̷+
ỽb ẏn ẏmgẏweiraỽ. nachaf uarcha  ̷ ̷+
ỽc ẏn dẏfot ẏ|r porth a meint milỽr
a|e angerd ẏndaỽ ẏn gẏweir o varch
ac arueu. ac a|deuei racdaỽ ac a gẏ+
farchei well ẏ arthur a|e teulu oll
eithẏr ẏ walchmei. ac ar ẏscỽẏd ẏ
marchaỽc ẏd oed tarẏan eurgrỽẏ+
dẏr. a|thraỽst o lassar glas ẏndi. ac
vn lliỽ a|hẏnnẏ ẏd oed ẏ arueu oll.
ac ef a|dẏwaỽt ỽrth walchmei. Ti
a|ledeist vẏ arglỽẏd o|th tỽẏll a|th
vrat. a|hẏnnẏ mi a|e profaf arnat.
kẏfodi a|wnaeth gỽalchmei ẏ vẏ  ̷+
nẏd. llẏma heb ef vẏg gỽẏstẏl ẏ|th
erbẏn ae ẏma ae ẏn ẏ lle ẏ mẏn  ̷ ̷+
hẏch nat ỽẏf na|thỽẏllỽr na brad  ̷+
ỽr. kerbron ẏ brenhin ẏssẏd arnaf|i

168

ẏ mẏnhaf bot ẏ|gẏfranc ẏ·rof|i a|thi.
ẏn llawen heb·ẏ gỽalchmei dos ragot
mi ẏ|th ol. Racdaỽ ẏd aeth ẏ march  ̷+
aỽc. ac ẏmgẏweiraỽ a wnaeth gỽalchmei.
a|llawer o arueu a gẏnigỽẏt idaỽ.
ac nẏ mẏnnaỽd o·nẏt ẏ rei e|hun.
Gỽiscaỽ a wnaeth gỽalchmei a|phe+
redur ẏmdanunt ac ẏ kerdassant
ẏn|ẏ ol o achaỽs eu ketẏmdeithas
a meint ẏd ẏmgerẏnt. ac nẏt ẏm  ̷+
gẏnhalẏssant ẏgẏt; namẏn pob
vn ẏn|ẏ gẏfeir. Gỽalchmei ẏn ieue  ̷+
nctit ẏ dẏd a|deuth ẏ dẏffrẏn. ac ẏn
|dẏffrẏn ẏ|gỽelei kaer a llẏs uaỽr  ̷ ̷
o uẏỽn ẏ|gaer. a|thẏreu aruchelua  ̷ ̷+
lch ẏn|ẏ chẏlchẏn. ac ef a welei var  ̷ ̷+
chaỽc ẏn dẏfot ẏ|r porth allan ẏ|hela
ẏ ar palfrei gloẏỽdu ffroenuoll ẏm  ̷ ̷+
deithic. a rẏgig wastatualch escutlẏm
ditramgỽẏd ganthaỽ. Sef oed hỽn  ̷+
nỽ; ẏ gỽr bieoed ẏ llẏs. kẏfarch gỽell
a|wnaeth gỽalchmei idaỽ. Duỽ a rotho
da it vnben. a|phan doẏ titheu. pan
deuaf heb ef o lẏs arthur. ae gỽr ẏ
arthur ỽẏt ti. Je mẏn vẏg cret heb+
ẏ gỽalchmeiMi a|ỽnn gẏghor da it heb  ̷
ẏ marchaỽc; blin a lludedic ẏ|th we  ̷+
laf. dos ẏ|r llẏs ac ẏno ẏ trigẏ heno.
os da genhẏt. Da arglỽẏd a|duỽ
a talho it. hỽde vodrỽẏ ẏn arỽẏd at
ẏ porthaỽr. a dos ragot ẏ|r tỽr racco.
a chwaer ẏssẏd i|minheu ẏno. ac ẏ| ̷ ̷
porth ẏ doeth gỽalchmeia|dangos ẏ vo+
drỽẏ a wnaeth. a chẏrchu ẏ tỽr. a|ffan
daỽ ẏd oed ffẏrẏftan maỽr ẏn llosci.
a|fflam oleu uchel difỽc o·honaỽ.
a morỽẏn uaỽrhẏdic telediỽ ẏn
eisted ẏ mẏỽn kadeir ỽrth ẏ tan.
a|r vorỽẏn a uu lawen ỽrthaỽ a|e
raessaỽu a|oruc a|chẏchwynu ẏn|