Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 38v

Peredur

38v

151

ol ẏ varch a|e arueu ẏ arthur. a|phe  ̷+
redur a|gẏfaruu a|r gỽeisson ẏn  ̷
mẏnet heibaỽ. ac a gẏmerth ẏ|ma  ̷+
rch a|r arueu. a|r weirglaỽd a gẏrch  ̷+
ỽẏs. Sef a|wnaeth paỽb o|welet
ef ẏn kẏfodi ac ẏn mẏnet ẏ ẏm  ̷ ̷+
wan ẏ|r marchaỽc. mẏnet ar pen  ̷
|tei a|r brẏnneu a lle aruchel ẏ
edrẏch ar ẏr ẏmwan. Sef a|wna  ̷ ̷+
eth peredur emneidaỽ a|e laỽ ar ẏ
marchaỽc ẏ|erchi idaỽ dechreu
arnaỽ. a|r marchaỽc a ossodes ar  ̷+
naỽ. ac nẏt ẏsgoges ef o|r lle ẏr
hẏnnẏ. ac ẏnteu peredur a|ordina  ̷+
ỽd ẏ varch ac a|e kẏrchaỽd ẏn|llit  ̷+
ẏaỽcdrut engirẏaỽlcherỽ* awẏd  ̷+
ualch. ac a|e gỽant dẏrnaỽt gỽen  ̷+
ỽẏniclẏm tostdrut milỽreidffẏrẏf
·dan ẏ|dỽẏen ac ẏ drechefis o|e
gẏfrỽẏ. ac ẏ bẏrẏaỽd ergẏt maỽr
ẏ ỽrthaỽ. ac ẏd ẏmchoelaỽd tra  ̷+
chefẏn ac ẏd edewis ẏ march a|r
arueu gan ẏ|gỽeisson mal kẏnt.
ac ẏnteu ar ẏ|troet a|gẏrchaỽd
ẏ llẏs. a|r mackỽẏ mut ẏ|gelwit
peredur ẏna. Nachaf agharat laỽeur  ̷+
aỽc ẏn kẏfaruot ac ef. ẏrof|i a|duỽ
vnben oed glẏssẏn na allut dẏwe  ̷+
dut. a|phei gallut dẏwedut mi
a|th garỽn ẏn uỽẏhaf gỽr. ac mẏn
vẏg cret kẏn nẏ|s gell·ẏch. mi a|th
garaf ẏn uỽẏhaf. Duỽ a talho it
vẏ|chwaer. mẏn vẏg cret minheu
a|th garaf ti. ac ẏna ẏ|gỽẏbuỽẏt
mae peredur oed ef. ac ẏna ẏ delis ef
gedẏmdeithas a gỽalchmei ac

152

ac owein vab vrẏen ac a|phaỽb o|r
teulu. ac ẏ trigẏỽẏs ẏn llẏs arthur.
A Rthur a|oed ẏg|kaerllion ar
ỽẏsc. a|mẏnet a|wnaeth ẏ hela.
a|peredur gẏt ac ef. a|pheredur a|ellẏgaỽd
|gi ar hẏd. a|r ki a|ladaỽd ẏr hẏd mẏ  ̷+
ỽn diffeithỽch. ac ẏmpen ruthur ẏ
ỽrthaỽ ef a|welei arỽẏd kẏfanhed.
a|thu a|r kẏfanhed ẏ deuth. ac ef a
welei neuad. ac ar ẏ|drỽs ẏ|neuad
ef a|welei tri gweis moel gethinẏon
ẏn gỽare gỽẏdbỽẏll. a|phan deuth  ̷
|mẏỽn. ef a welei teir morỽẏn ẏn
eisted ar leithic. ac eurwiscoed ẏm  ̷ ̷+
danunt mal ẏ|dẏlẏei am dẏlẏedogẏ+
on. ac ef a|aeth ẏ|eisted attunt ẏ|r
lleithic. ac vn o|r morẏnẏon a edrẏch+
aỽd ar peredur ẏn graff. ac ỽẏlaỽ a w+
naeth. a|peredur a|ofẏnnaỽd idi beth
a|ỽẏlei. Rac drẏccet genhẏf gỽelet
lleassu gỽas kẏn deccet a|thi. Pỽẏ a|m
lleassei i. pei na bei hẏt it arhos ẏn|
lle hỽn; Mi a|e dẏwedỽn it. Ẏr meint
uo ẏ gỽrthret arnaf ẏn arhos mi a|e
gỽarandaỽaf. Ẏ gỽr ẏssẏd tat inni
bieu ẏ llẏs hon. a|hỽnnỽ a|lad paỽb
o|r a|del ẏ|r llẏs hon heb ẏ ganhat.
Pẏ gẏfrẏỽ ỽr ẏỽ aỽch tat chwi pan
allo lleassu paỽb uellẏ. Gỽr a|wna
treis ac anuod ar ẏ gẏmodogẏon.
ac nẏ wna iaỽn ẏ neb ẏmdanaỽ.
ac ẏna ẏ gỽelei ef ẏ gỽeisson ẏn kẏ  ̷+
fodi ac ẏn arllỽẏssaỽ ẏ claỽr o|r werin.
ac ef a|glẏwei tỽrỽf maỽr. ac ẏn ol
|tỽrỽf ef a|welei ỽr du maỽr vn+
llẏgeitẏaỽc ẏn dẏfot ẏ|mẏỽn. a|r|mo  ̷ ̷+