Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 37r

Peredur

37r

145

a|r|gorres it a|uu drỽc kei ỽrthunt. a
thitheu a|e dieleist. ac ar hẏnnẏ hẏnẏ
vẏd ẏ vrenhines a|e llaỽuorẏnẏon ẏn
dẏfot. a|chẏfarch gỽell a|wnaeth peredur
udunt. a|llawen uuant ỽẏnteu ỽrth  ̷+
aỽ a|e raessaỽu a|orugant. parth ac
enrẏdet maỽr a|wnaeth arthur am
peredur. ac ẏchoelut* a orugant parth
a|chaer llion. a|r nos gẏntaf ẏ doeth
peredur ẏ gaer llion ẏ lẏs arthur. ac
ẏ|doeth ẏd ẏdoed ẏn troi ẏn ẏ gaer
gỽedẏ bỽẏt. Nachaf agharat laỽ
euraỽc ẏn kẏfaruot ac ef. Mẏn vẏg  ̷
cret vẏ chwaer heb·ẏ peredur morỽẏn
hẏgar garueid ỽẏt. a mi allỽn arnaf
dẏ|garu ẏn uỽẏhaf gỽreic. pei da gen  ̷ ̷+
hẏt. Miui a rodaf vẏg cret heb hi
val hẏn. na charaf|i tidi ac na|th vẏn+
naf ẏn tragẏwẏdaỽl. Minheu a ro  ̷ ̷+
daf vẏg cret heb·ẏ peredur. na dẏwe  ̷+
daf inheu eir vẏth ỽrth gristẏaỽn
hẏnẏ adefẏch titheu arnat vẏg caru
ẏn uỽẏhaf gỽr. Tranoeth ef a|ger  ̷+
daỽd peredur ẏmdeith. a|r priff fford
ar hẏt kefẏn mẏnẏd maỽr a|dilẏnỽ  ̷ ̷+
ẏs. ac ar diben ẏ|mẏnẏd ef a|welei
dẏffrẏn crỽn. a gororeu ẏ|dẏffrẏn
ẏn goedaỽc karregaỽc. a|gỽastat
ẏ|dẏffrẏn oed ẏn weirglodeu. a|thi  ̷+
red ar. ẏrỽg y gỽeirglodẏeu a|r coet.
ac ẏ|mẏnwes ẏ coet ẏ gỽelei tei
duon maỽr anuanaỽl eu gỽeith.
a|disgẏnnu a|wnaeth ac arwein
ẏ varch tu a|r coet ac am talẏm
o|r coet. ef a|welei ochẏr carrec
lem. a|r fford ẏn kẏrchu ochẏr ẏ  ̷

146

garrec. a|lleỽ ẏn rỽẏm ỽrth gadỽẏn
ac ẏn kẏscu ar ochẏr ẏ garrec. a|phỽll
dỽfẏn athrugar ẏ veint a|welei dan
ẏ lleỽ. a|e loneit ẏndaỽ o|escẏrn dẏnẏ+
on ac anifeileit. a|thẏnnu cledẏf a
wnaeth peredur a|tharaỽ ẏ lleỽ. hẏnẏ
dẏgỽẏd ẏn dibin ỽrth ẏ gadỽẏn uch
pen ẏ pỽll. a|r eil dẏrnaỽt taraỽ ẏ ga+
dỽẏn a oruc hẏnẏ tẏrr. ac ẏnẏ dẏgỽẏd
ẏ lleỽ ẏn|ẏ pỽll. ac ar traỽs ochẏr ẏ
garrec arwein ẏ|warch a|oruc peredur
hẏnẏ doeth ẏ|r dẏffrẏn. ac ef a|welei
am ganaỽl ẏffrẏn* kastell tec. a thu a|r
kastell ẏ deuth. ac ar weirglaỽd ỽrth
ẏ kastell ef a|welei gỽr llỽẏt maỽr
ẏn eisted. Mỽẏ oed noc gỽr o|r a welsei
eiroet. a|deu was ieueinc ẏn saethu
karneu eu kẏllẏll o ascỽrn morvil.
ẏ neill o·honunt ẏn was gỽineu.
a|r llall ẏn was melẏn. a|dẏfot rac+
daỽ a wnaeth ẏn ẏd oed ẏ|gỽr|llỽẏt.
a|chẏfarch gỽell a|oruc peredur idaỽ.
a|r gỽr|llỽẏt a|dẏwaỽt. Mefẏl ar varẏf
vẏm|porthaỽr. ac ẏna ẏ|deallaỽd peredur
pan ẏỽ ẏ|lleỽ oed ẏ porthaỽr. ac ẏna
ẏd aeth ẏ gỽr llỽẏt a|r gỽeisson gẏt
ac ef ẏ|r kastell. ac ẏd aeth peredur
gẏt ac ỽẏ. a|lle tec enrẏdedus a|welei
ẏno. a|r neuad a|gẏrchassant. a|r bẏr+
deu oed gỽedẏ eu dẏrchafel. a|bỽẏt
a|llẏn ditlaỽt arnadunt. ac ar hẏn+
nẏ ef a|welei ẏn dẏuot o|r ẏstafell.
gỽreic ohen a|gỽreic ieuanc. a mỽẏ+
haf gỽraged o|r a|welsei eiroet oedẏnt
ac ẏmolchi a|orugant a mẏnet ẏ uỽẏ+
ta. a|r gỽr llỽẏt a aeth ẏ|pen ẏ bỽrd ẏn