Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 33v

Peredur

33v

131

 vẏnẏd a|chan ganhat ẏ ewẏthẏr
kẏchwyn racdaỽ ẏ ẏmdeith. Odẏna
ef a|doeth ẏ goet ac ẏmpell ẏn|ẏ coet
ef a|glẏwei diaspat. parth a|r lle ẏd
oed ẏ diaspat ẏ doeth. a phan daỽ ef
a welei gỽreic wineu telediỽ. a|march
a|e gẏfrỽẏ arnaỽ ẏn seuẏll ach ẏ llaỽ.
a chelein gỽr ẏ·rỽg dỽẏlaỽ ẏ|wreic.
ac mal ẏ keisei rodi ẏ|gelein ẏn ẏ kẏf  ̷+
rỽẏ ẏ|dẏgỽẏdei ẏ gelein ẏ|r llaỽr. ac
ẏna |dodei hitheu diaspat. Dẏwet
vẏ chwaer heb ef pẏ diaspedein ẏssẏd
arnat ti. Oi a peredur ẏscẏmmun
heb hi bẏchan gỽaret vẏ gofit eiroet
a|gefeis i genhẏt ti. Pẏ·ham heb ef
ẏ bẏdỽn ẏscẏmmun i. am dẏ vot
ẏn achaỽs ẏ lad dẏ vam. kanẏs
pan gẏchwẏnneist ti o|e hanuod ẏ
ymdeith ẏ llamỽẏs gỽaẏỽ ẏndi hith  ̷ ̷+
eu ac o hẏnnẏ ẏ bu varỽ. aam dẏ|uot
ẏn achaỽs o|e hagheu ẏd ỽẏt ẏn ẏscẏ  ̷ ̷+
mun. a|r corr a|r corres a|weleist ti ẏn
llẏs arthur. corr dẏ tat ti a|th vam
oed hỽnnỽ. a|chwaeruaeth itti ỽẏf in  ̷+
heu. a|m gỽr priaỽt ẏỽ hỽn a|ladaỽd
 marchaỽc ẏssẏd ẏn|ẏ coet. ana dos
ditheu yn| kẏfẏl rac dẏ lad. Kam
vẏ chwaer heb ef ẏd ỽẏt ẏ|m|kerẏdu.
am vẏ mot ẏgẏt a chwi ẏn gẏhẏt
ac ẏ bum; abreid vẏd im ẏ oruot. a
phei bẏdỽn a|uei hỽy; nẏ|s goruẏdỽn
bẏth. a thitheu taỽ bellach a|th drẏcẏr  ̷+
uerth kanẏst nes gỽaret it no chẏnt.
a mi a gladaf ẏ|gỽr. ac a af gẏt a|thi ẏn
 mae ẏ marchaỽc. ac o gallaf ẏmdiala
mi a|e gỽnaf. Gỽedẏ cladu ẏ gỽr ỽẏnt

132

a|doethant ẏn ẏd oed ẏ marchaỽc
ẏn|ẏ llannerch ẏn marchogaeth ẏ
varch. ar hẏnt gofẏn a wnaeth ẏ
marchaỽc ẏ peredur pẏ le pan deuei.
pan deuaf o ls arthur. ae gỽr ẏ ar  ̷+
thur ỽẏt ti. Je mẏn vẏg cret. Jaỽn
lle ẏd ẏmgẏstlẏnẏ o arthur. Nẏ
bu hỽẏ no hẏnnẏ ẏmgẏrchu a|oru  ̷+
gant. ac ẏn|ẏ lle peredur a|uẏrẏỽẏs
ẏ marchaỽc. Naỽd a|erchis ẏ|mar  ̷+
chaỽc. naỽd a gehẏ gan gẏmrẏt
ẏ wreic hon ẏn briaỽt. ac a|wnelẏ  ̷+
ch o da ẏ wreic ẏ|ỽneuthur idi am
lad ohonot ẏ gỽr ẏn wirẏon. a
mẏnet ragot ẏ lẏs arthur. a|me  ̷+
negi idaỽ mae miui a|th vẏrẏỽys
ẏr enrẏded a|gỽassanaeth ẏ arth  ̷ ̷+
ur. a|menegi idaỽ nat af ẏ lẏs
hẏnẏ ẏmgaffỽẏf a|r gỽr hir ẏssẏd
ẏno ẏ dial sarhaet ẏ corr a|r vorỽ  ̷ ̷+
ẏn. a|chedernẏt ar hẏnnẏ a gẏm  ̷ ̷+
erth peredur ẏ ganthaỽ. a chẏwei  ̷+
raỽ ẏ wreic ar varch ẏn gẏweir
·gẏt ac ef. a dẏfot racdaỽ ẏ lẏs
arthur a menegi ẏ arthur ẏ gẏf  ̷ ̷+
ranc a|r bẏgỽth ar gei. a|cherẏd
a gauas kei gan arthur a|r teulu
am rẏ|wẏlltaỽ gỽas kẏstal a|peredur
o lẏs arthur. Nẏ daỽ ẏ maccỽẏ
hỽnnỽ vẏth ẏ|r llẏs heb·ẏr owein.
nẏt a ẏnteu gei o|r llẏs allan. Mẏn
vẏg cret heb·ẏr arthur mi a geis  ̷+
saf ẏnẏalỽch ẏnẏs prẏdein ẏm  ̷+
danaỽ ẏnẏ kaffỽẏf. ac ẏna gỽna  ̷ ̷+
et pob vn o·nadunt a allo waethaf
ẏ gilẏd. Ynteu peredur a gerdỽẏs