Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 2v

Y gainc gyntaf

2v

7

honno kẏstal ẏ doi ẏ|gof
|r dẏn eithaf ẏn ẏr holl
gẏuoeth ẏr oet. ac ẏnteu
a doeth i|r oet a|guẏrda
ẏ gẏuoeth ẏgẏt ac ef. ac
ẏgẏt ac ẏ doeth i|r rẏt.
marchaỽc a|gẏuodes ẏ|uẏ  ̷+
nẏd ac a|dẏỽot wal hẏnn.
a ỽẏrda heb ef ẏmỽeren  ̷+
deỽch ẏn da ẏ·rỽng ẏ|deu
wrenhin ẏ mae ẏr oet
hỽnn. a|hẏnnẏ ẏ·rỽng
ẏ deu gorff ỽẏlldeu. a fob
un ohonunt ẏssẏd haỽ  ̷+
lỽr ar ẏ gilẏd a|hẏnnẏ
am dir a|daẏar. a|ssegur
ẏ digaun paỽb o·honaỽch
uot eithẏr gadu ẏrẏn  ̷+
gthunt ỽẏll|deu. ac ar
hẏnnẏ ẏ deu urenhin
a nessaẏssant ẏgẏt am
perued ẏ rẏt e ẏmgẏua  ̷+
ruot. ac ar ẏ gossot kẏn  ̷+
taf ẏ gỽr a|oed ẏn lle a  ̷+
raỽn a|ossodes ar hafgan
ẏm|perued bogel ẏ da  ̷+
rẏan ẏnẏ hẏllt ẏn deu
hanner ac ẏnẏ dẏrr ẏr
arueu oll ac ẏnẏ uẏd
hafgan hẏt ẏ ureich
a|e paladẏr dros pedre+
in ẏ uarch ẏ|r llaỽr. ac
angheuaỽl dẏrnaỽt
ẏndaỽ ẏnteu. a unben
heb·ẏr hafgan pa dẏlẏ  ̷+
et a oed iti ar uẏ angheu

8

i nit ẏttoẏdỽn i ẏn holi
dim iti ni ỽẏdỽn achos
it heuẏt ẏ|m llad i. ac ẏr
duỽ heb ef canẏs dechre  ̷+
ueist uẏ llad gorffen. a|un+
benn heb ẏnteu ef a eill
uot ẏn ediuar gennẏf
gỽneuthur a|ỽneuthum
itt. keis a|th|lado ni ladaf
i di. Vy|ngỽẏrda kẏỽir heb+
ẏr hafgan dẏgỽch ui odẏ  ̷+
ma neut teruẏnedic an  ̷+
gheu ẏ mi nit oes ansaỽd
ẏ mi ẏch kẏnnal chỽi be  ̷+
llach. Vy|ngỽẏda* innheu
heb ẏ gỽr a oed ẏn lle ara  ̷+
ỽn. kẏmerỽch ẏch kẏuarỽ  ̷+
ẏd a gỽẏbẏdỽch pỽẏ a|dẏ  ̷+
lẏo bot ẏn ỽẏr ẏmi. arglỽ+
ẏd heb ẏ gỽẏrda paỽb a|
dẏlẏ canẏt oes urenhin
ar holl annỽuẏn namẏn
ti. Je heb ẏnteu a|del ẏn
ỽaredauc iaỽn ẏỽ gẏm  ̷+
rẏt. ar nẏ del ẏn uuẏd
kẏmmeller o nerth cle  ̷+
dẏueu. ac ar hynnẏ kẏm  ̷+
rẏt gỽrogaeth ẏ gỽẏr a  ̷
dechreu guereskẏnn ẏ
ỽlat. ac erbẏn hanner
dẏd drannoeth ẏd oed
ẏn|ẏ uedẏant ẏ dỽẏ dẏr  ̷+
nas. ac ar hẏnnẏ ef a ge  ̷+
rdỽẏs parth a|ẏ gẏnna  ̷+
dẏl ac a|doeth ẏ lẏnn cuch.
a|phan doeth ẏno ẏd oed  ̷