LlGC Llsgr. Peniarth 4 (Llyfr Gwyn Rhydderch, rhan 2) – tudalen 28v
Y bedwaredd gainc
28v
111
ẏ rẏngtaỽ a|r ergẏt. ac ẏna ẏ
bẏrẏaỽd lleỽ ef a|r par ac ẏ gu ̷ ̷+
ant ẏ llech drỽẏdi. ac ẏnteu i
drỽẏdaỽ ẏnẏ dẏrr ẏ geuẏnn.
ac ẏna ẏ llas gronỽẏ bebẏr. ac
ẏno ẏ mae ẏ|llech ar lan auon
gẏnuael ẏn ardudỽẏ a|r tỽll drỽ ̷+
ydi. ac o achaỽs hẏnnẏ ettỽa
ẏ gelỽir llech gronỽẏ. Ynteu
lleỽ llaỽ gẏffes a oreskẏnnỽẏs
eilỽeith ẏ ỽlat. ac ẏ gỽledẏchỽẏs
ẏn llỽẏdannus. a herỽẏd ẏ dẏ ̷ ̷+
ỽeit ẏ kẏuarỽẏdẏt ef a uu ar ̷+
glỽẏd ỽedẏ hẏnnẏ ar ỽẏned.
ac ẏ·uellẏ ẏ teruẏna ẏ geing
honn o|r mabinogi.
112
| « p 28r | p 29r » |