Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 27r

Y bedwaredd gainc

27r

105

arglỽẏd heb hi ẏd ỽẏf ẏn medẏl  ̷+
ẏaỽ pa delỽ ẏ gallei uot ẏn* hẏnn
a|dẏỽedeist|i gẏnt ỽrthẏf i. ac a
dangossẏ di ẏmi pa furu ẏ|sauut
ti ar emẏl ẏ gerỽẏn a|r bỽch. o fa  ̷ ̷+
raf uinheu ẏr enneint. Dangos+
saf heb ẏnteu. hitheu a anuones
at gronỽ. ac a erchis idaỽ bot ẏg
kẏscaỽt ẏ brẏnn a elỽir ỽeithon
brẏnn kẏuergẏr ẏ|glan auon
kẏnuael oed hẏnnẏ. Hitheu a be+
ris kẏnnullaỽ a gauas o auẏr
ẏn|ẏ cantref. a||dỽẏn o|r parth i
draỽ ẏ auon. gẏuarỽẏneb a|brẏn
kẏuergẏr. a thrannoeth hi a|dẏỽot
arglỽẏd heb hi mi a bereis kẏỽei  ̷+
raỽ ẏ|glỽẏt a|r ennein ac ẏ|maent
ẏn baraỽt. Je heb ẏnteu aỽn eu
hedrẏch ẏn llaỽen. ỽẏ a doethant
trannoeth ẏ edrẏch ẏr enneint.
Ti a|eẏ ẏ|r ennein arglỽẏd heb hi.
af ẏn llaỽen heb ef. Ef a|aeth ẏ|r
ennein ac ẏmneinaỽ a|ỽnaeth.
arglỽẏd heb hi ll·ẏma ẏr aniuei  ̷+
leit a|dẏỽedeist|i uot bỽch arnunt.
Je heb ẏnteu par dala un ohonu  ̷+
nt. a|phar ẏ|dỽẏn ẏma. Ef a duc  ̷ ̷+
pỽẏt. Ẏna ẏ kẏuodes ẏnteu o|r
ennein a guiscaỽ ẏ laỽdẏr am+
danaỽ ac ẏ dodes ẏ neill|troet ar
emẏl ẏ gerỽẏn. a|r llall ar geuẏn
ẏ bỽch. Ynteu gronỽ a gẏuodes
e|uẏnẏd o|r brẏnn a elỽir brẏnn
kẏuergẏr. ac ar benn ẏ neill glin
ẏ kẏuodes. ac a|r guenỽẏnỽaẏỽ
ẏ uỽrỽ a|ẏ uedru ẏn|ẏ ẏstlẏs ẏnẏ

106

neita ẏ paladẏr ohonaỽ. a|thrig+
aỽ ẏ|penn ẏndaỽ. ac ẏna bỽrỽ
ehetuan o·honaỽ ẏnteu ẏn rith
erẏr. a dodi garẏmleis an·hẏgar.
ac nẏ chahat ẏ ỽelet ef odẏna
ẏ maes. Yn gẏn|gẏflẏmet ac ẏd
aeth ef e|ẏmdeith ẏ kẏrchẏssant
ỽẏnteu ẏ|llẏs a|r nos honno kẏs+
cu ẏ·gẏt. a|thrannoeth kẏuodi a
oruc gronỽ a guereskẏn ardudỽẏ.
Guedẏ gỽreskẏn ẏ ỽlat ẏ gỽledẏ  ̷ ̷+
chu a|ỽnaeth ẏnẏ oed ẏn|ẏ eidaỽ
ef ardudỽẏ a|phenllẏn. ẏna ẏ chỽe  ̷+
dẏl a aeth at math uab mathonỽẏ.
Trẏm·urẏt a goueileint a gẏmerth
math ẏndaỽ. a mỽẏ ỽẏdẏon noc
ẏnteu laỽer. arglỽẏd heb·|guẏ+
dẏon nẏ orffỽẏssaf uẏth ẏnẏ gaf+
fỽẏf chỽedleu ẏ ỽrth uẏ nei. Je
heb·ẏ math duỽ a uo nerth ẏt.
ac ẏna kẏchỽẏnnu a|ỽnaeth ef.
a|dechreu rodẏaỽ racdaỽ a rodẏaỽ
gỽẏned a|ỽnaeth a|phoỽẏs ẏn|
theruẏn. Guedẏ rodẏaỽ pob lle
ef a doeth ẏ aruon. ac a|doeth ẏ|tẏ
uab eillt ẏ maẏnaỽr bennard.
Diskẏnnu ẏn|ẏ tẏ a|ỽnaeth a
thrigẏaỽ ẏno ẏ nos honno. gỽr
|tẏ a|ẏ dẏlỽẏth a|doeth ẏ|mẏỽn.
ac ẏn diỽethaf ẏ|doeth ẏ|meichat
Gỽr ẏ|tẏ a dẏỽot ỽrth ẏ|meichat.
a|ỽas heb ef a|doeth dẏ hỽch di
heno ẏ|mẏỽn. doeth heb ẏnteu
ẏr aỽr honn ẏ doeth at ẏ moch.
Ba rẏỽ gerdet heb·|guẏdẏon
ẏssẏd ar ẏr hỽch honno. Ban a+