Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 26v

Y bedwaredd gainc

26v

103

nẏt eẏ ẏ ỽrthẏf|i heno. E|nos
honno ẏ buant ẏ·gẏt heuẏt. a|r
nos honno ẏ bu ẏr ẏmgẏnghor
ganthunt pa furu ẏ kehẏnt uot
ẏgkẏt. Nẏt oes gẏnghor it heb
ef onẏt un. keissaỽ ẏ ganthaỽ
gỽẏbot pa furu ẏ del ẏ angheu
a hẏnnẏ ẏn rith ẏmgeled am  ̷+
danaỽ. Trannoeth arouun a
ỽnaeth. Dioer nit chẏghoraf it
hediỽ uẏnet e|ỽrthẏf i. dioer canys
kẏnghorẏ ditheu nit af inheu
heb ef. Dẏỽedaf hagen uot ẏn
perigẏl dẏuot ẏr unben bieu ẏ
llẏs adref. Je heb hi auorẏ mi a|th
ganhadaf di e|ẏmdeith. Tranno  ̷ ̷+
eth arouun a|ỽnaeth ef ac nẏ
ludẏỽẏs hitheu ef. Je heb ẏnteu
coffa a|dẏỽedeis ỽrthẏt ac ẏmdi  ̷+
dan ẏn lut ac ef. a hẏnnẏ ẏn
rith ẏsmalaỽch carẏat ac ef. a
dilẏt ẏ gantaỽ pa ford ẏ gallei
dẏuot ẏ angheu. Enteu a|doeth
adref ẏ|nos honno. Treulaỽ ẏ
dẏd a|ỽnaethant drỽẏ ẏmdidan
a cherd a|chẏuedach. a|r nos honno
|gẏscu ẏ·gẏt ẏd aethant. ac ef
a|dẏỽot parabẏl a|r eil ỽrthi. ac
ẏn hẏnnẏ parabẏl ni|s cauas.
Pa derỽ ẏti heb ef. ac a ỽẏt iach
di. Medẏlẏaỽ ẏd ỽẏf heb hi ẏr
hẏnn nẏ medẏlẏut ti amdanaf i.
Sef ẏỽ hẏnnẏ heb hi. goualu
am dẏ angheu di ot elut ẏn gẏ  ̷+
nt no miui. Je heb ẏnteu duỽ
a|dalho it dẏ ẏmgeled. Onẏ| ̷ ̷

104

llad i duỽ hagen nit haỽd uẏ llad
i heb ef. a ỽneẏ ditheu ẏr duỽ ac
ẏrof inheu menegi ẏmi ba furu
ẏ galler dẏ lad ditheu. canẏs guell
uẏ|ghof i ỽrth ẏmoglẏt no|r teu di.
Dẏỽedaf ẏn llaỽen heb ef. nit
haỽd uẏ llad i heb ef o ergẏt. a
reit oed uot blỽẏdẏn ẏn gỽneu  ̷ ̷+
thur ẏ par ẏ|m bẏrhit i ac ef. a heb
gỽneuthur dim ohonaỽ namẏn
pan uẏthit ar ẏr aberth duỽ sul.
ae diogel hẏnnẏ heb hi. diogel
dioer heb ef. Nẏ ellir uẏ llad i
|mẏỽn tẏ heb ef. nẏ ellir allan.
nẏ ellir uẏ llad ar uarch. nẏ ellir
ar uẏn|troet. Je heb hitheu pa
delỽ ẏ gellit dẏ lad ditheu. Mi a|e
dẏỽedaf ẏti heb ẏnteu. Gỽneuth  ̷+
ur ennein im ar lan auon a gỽ  ̷+
neuthur cromglỽẏt uch benn
ẏ gerỽẏn a|ẏ thoi ẏn da didos.
ỽedẏ hẏnnẏ hẏ hitheu. a dỽẏn
bỽch heb ef a|ẏ dodi gẏr llaỽ ẏ ge+
rỽẏn. a dodi ohonof uinheu ẏ ne  ̷+
ill troet ar geuẏn ẏ bỽch a|llall ar
emẏl ẏ gerỽẏn. Pỽẏ|bẏnnac a|m
metrei i ẏuellẏ ef a|ỽnaẏ uẏ ag  ̷+
heu. Je heb hitheu diolchaf ẏ duỽ
hẏnnẏ. ef a ellir rac hẏnnẏ dianc
ẏn haỽd. Nẏt kẏnt noc ẏ|cauas
hi ẏr ẏmadraỽd noc ẏ hanuones
hitheu at gronỽ pebẏr. Gronỽ
a|lauurẏỽẏs gueith ẏ guaẏỽ.
a|r un dẏd ẏm·penn ẏ ulỽẏdẏn
ẏ bu baraỽt. a|r dẏd hỽnnỽ ẏ
peris ef idi hi guẏbot hẏnnẏ.