Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 25v

Y bedwaredd gainc

25v

99

Erbẏn pan oed  dẏd ẏn goleuha  ̷ ̷+
u ẏd oed gẏniỽeir ac utkẏrn a
lleuein ẏn|ẏ ỽlat ẏn gẏnghan.
Pan ẏdoed ẏ dẏd ẏn dẏuot ỽẏnt
a glẏỽẏnt taraỽ drỽs ẏr ẏstauell.
ac ar hẏnnẏ aranrot ẏn erchi
agori. kẏuodi a oruc ẏ guas ieu  ̷+
anc ac agori. hitheu a doeth ẏ|my  ̷+
ỽn a morỽẏn ẏ·gẏt a hi. a|ỽẏrda
heb hi lle drỽc ẏd ẏm. Je heb ẏn  ̷+
teu ni a glẏỽn utkẏrn a|lleuein
a beth a debẏgẏ di o|hẏnny. Dioer
heb hi ni chaỽn ỽelet llẏỽ ẏ ỽeil  ̷ ̷+
gi gan pob llong ar torr ẏ|gilẏd
ac ẏ maent ẏn kẏrchu ẏ tir ẏn
gẏntaf a allont. a pha beth a ỽ  ̷ ̷+
naỽn i heb hi. arglỽẏdes heb+
ẏ gỽẏdẏon nẏt oes in gẏnghor
onẏt caeu ẏ gaer arnam. a|ẏ ch  ̷+
ẏnhal ẏn oreu a allom. Je heb
hitheu duỽ a dalho yỽch. a chẏ  ̷+
nhelỽch chỽitheu. ac ẏma ẏ kef  ̷+
fỽch digaỽn o arueu. ac ar hẏn  ̷ ̷+
nẏ ẏn ol ẏr arueu ẏd aeth hi. a
llẏma hi ẏn dẏuot a|dỽẏ uorỽẏn
gẏt a hi. ac arueu deu ỽr gantunt.
arglỽẏdes heb ef gỽisc ẏmdan
ẏ gỽrẏanc hỽnn. a minheu ui
a|r morẏnẏon a ỽiscaf ẏmdanaf
inheu. Mi a glẏỽaf odorun ẏ gỽ  ̷+
ẏr ẏn dẏuot. hẏnnẏ a|ỽnaf ẏn
llaỽen. a guiscaỽ a ỽnaeth hi
amdanaỽ ef ẏn llaỽen ac ẏn
gỽbẏl. a derỽ heb ef ỽiscaỽ am  ̷ ̷+
dan ẏ gỽrẏanc hỽnnỽ. derẏỽ
heb hi. neu derẏỽ ẏ minheu

100

heb ef. Diodỽn ẏn arueu ỽeithon
nit reit ẏnn ỽrthunt. Och heb
hitheu paham llẏna ẏ llẏnghes
ẏngkẏlch ẏ tẏ. a ỽreic nit oes ẏ  ̷+
na un llẏnghes. Och heb. pa rẏỽ
dẏgẏuor a uu o·honei. Dẏgẏuor
heb ẏnteu ẏ dorri dẏ dẏnghetuen
am dẏ uab. ac ẏ geissaỽ arueu
idaỽ. ac neur gauas ef arueu
heb ẏ diolỽch ẏ ti. E·rof a duỽ heb
hitheu gỽr drỽc ỽẏt ti. ac ef a
allei llaỽer mab colli ẏ eneit
am ẏ dẏgẏuor a|bereist|i ẏn|ẏ can  ̷+
tref hỽnn hediỽ. a mi a dẏnghaf
dẏnghet idaỽ heb hi na chaffo
ỽreic uẏth o|r genedẏl ẏssẏd ar
ẏ daẏar honn ẏr aỽr honn. Je
heb ẏnteu direidỽreic uuost ei  ̷+
roet ac nẏ dẏlẏei neb uot ẏn
borth it. a gỽreic a geif ef ual
kẏnt. Hỽẏnteu a doethant at
math uab mathonỽẏ a chỽẏnaỽ
ẏn luttaf|ẏn|ẏ bẏt rac aranrot
a ỽnaethant a menegi ual ẏ pa  ̷ ̷+
rẏssei ẏr arueu idaỽ oll. Je heb+
ẏ math keissỽn inheu ui a|thi
oc an hut a|n lledrith hudaỽ gỽ  ̷+
reic idaỽ ẏnteu o|r blodeu. Ẏn  ̷ ̷+
teu ẏna a meint gỽr ẏndaỽ.
ac ẏn delediỽhaf guas a ỽelas
dẏn eiroet. ac ẏna ẏ kẏmerẏs  ̷+
sant ỽẏ blodeu ẏ deri. a blodeu
ẏ banadẏl. a blodeu ẏr erỽein
ac o|r rei hẏnnẏ assỽẏnaỽ ẏr un
uorỽẏn deccaf a|thelediỽaf a
ỽelas dẏn eiroet. ac ẏ bedẏdẏaỽ  ̷ ̷