LlGC Llsgr. Peniarth 4 (Llyfr Gwyn Rhydderch, rhan 2) – tudalen 24r
Y bedwaredd gainc
24r
93
plant o bob un ohonaỽch o|ẏ gilid.
Perỽch enneint ẏ|r gỽẏr a golchi
eu penneu ac eu kẏỽeiraỽ. a
hẏnnẏ a|berit udunt. a guedẏ y
ẏmgueiraỽ o honut*. attaỽ ef ẏ
kẏrchẏssant. a|ỽẏr heb ef tang ̷+
neued a|gaỽsaỽch a cherennẏd a
geffỽch. a rodỽch im kẏnghor pa
uorỽẏn a geissỽẏf. arglỽẏd heb+
ẏ guẏdẏon uab don haỽd ẏỽ dẏ
gẏnghori. aranrot uerch don dẏ ̷
nith uerch dẏ chỽaer. honno a
gẏrchỽẏt attaỽ. ẏ uorỽẏn a|doeth
ẏ|mẏỽn. a uorỽẏn heb ef a|ỽẏt
uorỽẏn di. nẏ ỽnn ni* amgen no ̷ ̷
m bot. Ẏna ẏ kẏmerth ẏnteu ẏr
hutlath a|ẏ chamu. camha di dr ̷ ̷+
os honn heb ef ac ot ỽẏt uorỽẏn
mi a ednebẏdaf. ẏna ẏ camaỽd
hitheu dros ẏr hutlath. ac ar
ẏ cam hỽnnỽ adaỽ mab bras ue ̷ ̷+
lẏn maỽr a|oruc. Sef a|ỽnaeth
ẏ mab dodi diaspat uchel. ẏn ol
diaspat ẏ mab kẏrchu ẏ drỽs a ̷ ̷
oruc hi. ac ar hẏnnẏ adaỽ ẏ rẏỽ
bethan o·honei. a chẏn cael o neb
guelet ẏr eil olỽc arnaỽ. guẏdẏ ̷ ̷+
on a|ẏ kẏmerth ac a droes llen
o bali ẏn|ẏ gẏlch ac a|e cudẏaỽd.
Sef ẏ cudẏaỽd ẏ mẏỽn llaỽ gist
is traed ẏ ỽelẏ. Je heb mab math ̷+
onỽẏ mi a|baraf uedẏdẏaỽ hỽn
ỽrth ẏ mab brasuelẏn. Sef enỽ
a|baraf. dẏlan. bedẏdẏaỽ a ỽna ̷ ̷+
ethpỽẏt ẏ mab. ac ẏ·gẏt ac ẏ
bedẏdẏỽẏt ẏ mor a gẏrchỽẏs.
94
ac ẏn|ẏ lle ẏgẏt ac ẏ|doeth ẏ|r
mor. annẏan ẏ|mor a gauas a
chẏstal ẏ|nouẏei a|r pẏsc goreu
ẏn|ẏ mor. ac o achaỽs hẏnnẏ
ẏ gelỽit dẏlan eil ton. nẏ thor+
res tonn adanaỽ eirẏoet. a|r
ergẏt ẏ doeth ẏ angheu ohonaỽ
a|uẏrẏỽẏs gouannon ẏ|eỽẏthẏr
a hỽnnỽ a uu trẏdẏd anuat er+
gẏt. Val ẏd oed ỽẏdẏon diỽar ̷ ̷+
naỽt ẏn|ẏ ỽelẏ ac ẏn deffroi ef
a glẏỽei diaspat ẏn|ẏ gist is ẏ draet.
kẏnẏ bei uchel hi kẏuuch oed ac
ẏ kigleu ef. Sef a oruc ẏnteu
kẏuodi ẏn gẏflẏm ac agori ẏ
gist. ac ual ẏ hegẏr. ef a|ỽeleẏ
uab bẏchan ẏn rỽẏuaỽ ẏ urei+
cheu o blẏc ẏ llen ac ẏn|ẏ guas ̷ ̷+
caru. ac ef a gẏmerth ẏ mab
ẏ·rỽng ẏ dỽẏlaỽ ac a gẏrchỽẏs
ẏ dref ac ef lle ẏ gỽẏdat bot
gỽreic a bronneu genti. ac ẏ ̷ ̷+
mobrẏn a|ỽnaeth a|r ỽreic uei ̷+
thrẏn ẏ mab. Y mab a uagỽẏt
ẏ ulỽẏdẏn honno. ac ẏn oet
ẏ ulỽẏdẏn hof oed gantunt
ẏ ureisket. bei dỽẏ ulỽẏd. a|r
eil ulỽẏdẏn mab maỽr oed
ac ẏn gallu e hun kẏrchu ẏ
llẏs. ẏnteu e|hun ỽẏdẏon ỽedẏ
ẏ|dẏuot ẏ|r llẏs a sẏnnẏỽẏs
arnaỽ. a|r mab a ẏmgeneui+
naỽd ac ef. ac a|ẏ caraỽd ẏn uỽẏ
noc un dẏn. Ẏna ẏ magỽẏt
ẏ mab ẏn|ẏ llẏs ẏnẏ uu pede ̷ ̷+
ir|blỽẏd. a hof oed ẏ uab ỽẏth
| « p 23v | p 24v » |