LlGC Llsgr. Peniarth 4 (Llyfr Gwyn Rhydderch, rhan 2) – tudalen 22v
Y bedwaredd gainc
22v
87
guedẏ gỽneuthur creu udunt ẏ ̷+
n|ẏ cantref arall issot heb·ẏ guẏ ̷ ̷+
dẏon. ar hẏnnẏ llẏma ẏ clẏỽẏnt
ẏr utkẏrn a|r dẏgẏuor ẏn|ẏ ỽlat.
ar hẏnnẏ guiscaỽ a|ỽnaethant
ỽẏnteu a cherdet ẏnẏ uẏdant
ẏm pennard ẏn aruon. a|r nos
honno ẏd ẏmhỽelỽẏs gỽẏdẏon
uab don. a chiluathỽẏ ẏ uraỽt
hẏt ẏg|kaer dathẏl. ac ẏ|guelei
uath uab mathonỽẏ dodi gilua ̷+
thỽẏ a goeỽẏn uerch pebin ẏ gẏs ̷+
cu ẏ·gẏt. a|chẏmell ẏ|morẏnẏon
allan ẏn amharchus. a chẏscu
genti o|ẏ hanuod ẏ|nos honno.
Pan ỽelsant ẏ|dẏd drannoeth
kẏrchu a|ỽnaethant parth a|r
lle ẏd oed math uab mathonỽẏ
a|ẏ lu. Pan doethant ẏd oed ẏ
guẏr hẏnnẏ ẏn mẏnet ẏ gẏm ̷ ̷+
rẏt kẏnghor ba tu ẏd arhoẏnt
prẏderi a guẏr ẏ deheu. ac ar
ẏ kẏnghor ẏ doethant ỽẏnteu.
Sef a gaussant ẏn eu kẏnghor
aros ẏg|kedernit gỽẏned ẏn ar ̷+
uon. ac ẏ|ghẏmherued ẏ dỽẏ
uaẏnaỽr ẏd arhoed. Maẏnaỽr
pennard. a maẏnaỽr coet alun.
a phrẏderi a|ẏ kẏrchỽẏs ẏno ỽẏnt.
ac ẏno ẏ bu ẏ gẏfranc ac ẏ llas
lladua uaỽr o pop parth ac ẏ bu
reit ẏ ỽẏr ẏ|deheu enkil. Sef lle
ẏd enkilẏssant. hẏt ẏ lle a elỽir
etỽa nant call. a hẏt ẏno ẏd
ẏmlidẏỽẏd. ac ẏna ẏ|bu ẏr aẏ ̷ ̷+
rua diueuessur ẏ|meint. ac
88
ẏna ẏ kilẏssant hẏt ẏ|lle a elỽir dol
pen maen. ac ẏna clẏmu a|ỽnaeth ̷ ̷+
ant a cheissaỽ ẏmdangneuedu a gỽ ̷ ̷+
ẏstlaỽ a|ỽnaeth prẏderi ar ẏ|tangne+
ued. Sef a|ỽẏstlỽẏs. gỽrgi guastra
ar ẏ pedỽẏrẏd ar|ugeint. o|ueibẏon
guẏrda. a|guedẏ hẏnnẏ kerdet o+
honunt ẏn eu tangneued hẏt ẏ
traeth maỽr. ac ual ẏgẏt ac y doeth ̷+
ant hẏt ẏ uelen rẏd. ẏ pedẏt nẏ ell ̷+
it eu reoli o ẏmsaethu. Gẏrru ken ̷ ̷+
nadeu o prẏderi ẏ erchi guahard
ẏ deulu. ac erchi gadu ẏ·rẏngtaỽ
ef a guẏdẏon uab don. canẏs ef
a|barẏssei hẏnnẏ. at math uab
mathonỽẏ ẏ doeth ẏ genhat. Je
heb·ẏ math. Erof a duỽ os da gan
ỽẏdẏon uab don mi a|e gadaf. ẏn
llaỽen. ni chẏmellaf inheu ar
neb uẏnet e|ẏmlad dros ỽneu ̷ ̷+
thur ohanam ninheu an gallu.
Dioer heb ẏ kennadeu teg med
prẏderi oed ẏ|r gỽr a|ỽnaeth hẏnn
idaỽ ef o gam. dodi ẏ gorf ẏn er ̷ ̷+
bẏn ẏ eidaỽ ẏnteu. a gadu ẏ deu ̷ ̷+
lu ẏn segur. Dẏgaf ẏ|duỽ uẏg ̷ ̷
kẏffes nat archaf|i ẏ ỽẏr gỽẏned
ẏmlad drossof i a minheu uẏ hun
ẏn cael ẏmlad a|phrẏderi. Mi a do ̷+
daf uẏg|korf ẏn erbẏn ẏ eidaỽ
ẏn llaỽen. a hẏnnẏ a|anuonet
at prẏderi. Je heb·ẏ prẏderi nit
archaf inheu ẏ|neb gouẏn uẏ
iaỽn namẏn mẏ hun. E gỽẏr
hẏnnẏ a neilltuỽẏt. ac a dechre ̷ ̷+
uỽẏt gỽiscaỽ amdanunt. ac
| « p 22r | p 23r » |