Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 21v

Y bedwaredd gainc

21v

83

a|phoỽẏs. a|deheubarth ẏ|geissaỽ
ẏ uorỽẏn a|bẏd laỽen di a mi a|
paraf ẏt. ac ar hẏnnẏ at uath
uab mathonỽẏ ẏd aethant ỽẏ.
arglỽẏd heb·ẏ guẏdẏon mi a
gigleu dẏuot ẏ|r deheu ẏ|rẏỽ brẏ  ̷ ̷+
uet ni doeth ẏ|r ẏnẏs honn eir  ̷+
oet. Pỽẏ eu henỽ ỽẏ heb ef. ho  ̷ ̷+
beu arglỽẏd. pa|rẏỽ aniueileit
ẏỽ ẏ rei hẏnnẏ. aniueileit bẏch  ̷ ̷+
ein guell eu kic no chic eidon.
bẏchein ẏnt ỽẏnteu. ac ẏ|mae  ̷ ̷+
nt ẏn|sẏmudaỽ enỽeu. Moch
ẏ gelỽir ỽeithon. Pỽẏ bieỽẏnt
ỽẏ. Prẏderi uab pỽẏll ẏd a·nuo  ̷ ̷+
net idaỽ o annỽn ẏ gan araỽn
urenhin annỽn. ac etỽa ẏd
ẏs ẏn cadỽ o|r enỽ hỽnnỽ. han  ̷+
ner hỽch. hanner hob. Je heb i
ẏnteu ba furuf ẏ keffir ỽẏ ẏ  ̷
gantaỽ ef. Mi a|af ar uẏn deu  ̷ ̷+
decuet ẏn rith beird arglỽẏd
ẏ erchi ẏ moch. Ef a|rẏ|eill ẏch
necau heb ẏnteu. Nit drỽc ~
uẏn traỽscỽẏd i arglỽẏd heb ef.
nẏ doaf i heb ẏ moch. En llaỽen
heb ẏnteu kerda ragot. Ef
a aeth a giluathỽẏ a|deguẏr
gẏt ac ỽẏnt hẏt ẏ|gheredigẏ  ̷ ̷+
aỽn ẏn|ẏ lle a|elỽir rudlan
teiui ẏr aỽrhon ẏd oed llẏs ẏ  ̷+
no ẏ prẏderi. ac ẏn rith beird
ẏ doethant ẏ|mẏỽn. llaỽen uu  ̷ ̷+
ant ỽrthunt. ar neillaỽ prẏ  ̷+
deri ẏ gossodet guẏdẏon ẏ|nos
honno. Je heb·ẏ prẏderi da ẏỽ

84

genhẏm ni cahel kẏuarỽẏdẏt
gan rei o|r gỽreinc racco. Moes
ẏỽ genhẏm ni arglỽẏd heb·
guẏdẏon ẏ nos gẏntaf ẏ|delher
at ỽr maỽr. dẏỽedut o|r penkerd.
Mi a|dẏỽedaf gẏuarỽẏdẏd ẏn
llaỽen. ẏnteu ỽẏdẏon goreu
kẏuar·ỽẏd ẏn|ẏ bẏt oed. a|r nos
honno didanu ẏ|llẏs a|ỽnaeth
a|r ẏmdidaneu digrif a|chẏuar  ̷ ̷+
ỽẏdẏt ẏnẏ oed hoff gan paub
o|r llẏs. ac ẏn didan gan prẏde  ̷ ̷+
ri ẏmdidan ac ef. ac ar diỽed
hẏnnẏ. arglỽẏd heb ef ae guell
ẏ gỽna neb uẏ neges i ỽrthẏt
ti no mi uu hun. Na ỽell heb
ẏnteu tauaỽt laỽn da ẏỽ ẏ|teu
di. Ỻẏna uẏ neges inheu ar  ̷ ̷+
glỽẏd. ẏmadolỽẏn a|thidi am
ẏr aniueileit a anuonet it o
annỽuyn. Je heb ẏnteu haỽs  ̷ ̷+
saf ẏn|ẏ bẏt oed hẏnnẏ bẏ|na
bei ammot ẏ·rof a|m gỽlat a  ̷ ̷+
mdanunt. Sef ẏỽ hẏnnẏ nat
elont ẏ genhẏf ẏnẏ hilẏont
eu deu|kẏmeint ẏn|ẏ ỽlat. a ̷ ̷+
glỽẏd heb ẏnteu minheu a|allaf
dẏ rẏdhau ditheu o|r geireu hẏn  ̷ ̷+
nẏ. Sef ual ẏ gallaf. Na dẏro
im ẏ|moch heno ac nacaha ui
o·honunt. auorẏ minheu a|dan  ̷ ̷+
gossaf gẏfneỽit amdanunt
ỽẏ. a|r nos honno ẏd aethont
ef a|ẏ gedẏmdeithon ẏ|r llettẏ
ar ẏ kẏnghor. a|ỽẏr heb ef nẏ
chaỽn|i ẏ moch oc eu herchi.