Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 18v

Y drydedd gainc

18v

71

Porth ẏ gaer a ỽelas ẏn agoret
nẏ bu argel arnei. ac ẏ|mẏỽn ẏ
doeth ac ẏgẏt ac ẏ|doeth argan  ̷ ̷+
uot prẏderi ẏn ẏmauael a|r caỽc
a|dẏuot attaỽ. Och uẏ arglỽẏd
heb hi beth a ỽneẏ di ẏma. a ̷
ẏmauael a|r caỽc ẏ·gẏt ac ef. ac
·gẏt ac ẏd ẏmeueil glẏnu ẏ
dỽẏlaỽ hitheu ỽrth ẏ caỽc a|ẏ de  ̷ ̷+
utroet ỽrth ẏ llech hẏt na allei
hitheu dẏỽedut un geir. ac ar
hẏnnẏ gẏt ac ẏ|bu nos llẏma
dỽrẏf arnunt a chaỽat o nẏỽl
a chan hẏnnẏ difflannu ẏ gaer
ac e|ẏmdeith ac ỽẏnteu pann
ỽelas kicua uerch gỽẏn gloeỽ
gỽreic prẏderi nat oed ẏn||llẏs
namẏn hi a manaỽẏdan drẏ+
gẏruerth a|ỽnaeth hẏt nat oed
ỽell genti ẏ bẏỽ no|ẏ marỽ.
Sef a|ỽnaeth manaỽẏdan
edrẏch ar hẏnnẏ. Dioer heb ef.
cam ẏd ỽẏt arnaỽ. os rac uẏ
ouẏn i ẏ drẏgẏruerthẏ di mi
a rodaf duỽ ẏ* uach it na ỽele  ̷ ̷+
ist|i gedẏmdeith gẏỽirach noc
ẏ keffẏ di ui tra uẏnho duỽ it
uot uellẏ. ·rof a duỽ bei et  ̷ ̷+
uỽn|i ẏn dechreu uẏ ieuengtit.
mi a gadỽn gẏỽirdeb ỽrth prẏ  ̷+
deri. ac ẏ·rot titheu mi a|ẏ cadỽn
ac na uit un ouẏn arnat heb
ef. E·rof a duỽ heb ef. titheu
a geẏ ẏ gedẏmdeithas a|uẏn  ̷ ̷+
ch |genhẏf|i herỽẏd uẏg  ̷ ̷
  gallu i

72

tra ỽelho duỽ ẏn bot ẏn|ẏ dihir  ̷ ̷+
ỽch hỽnn a|r goual. Duỽ a|dalho
it a hẏnnẏ a|debẏnỽn i. ac ẏna
kẏmrẏ* llẏỽenẏd ac ehouẏndera
o|r uorỽẏn o achaỽs hẏnnẏ. Je
eneit heb·|manaỽẏdan nẏt
kẏfle ẏ ni trigyaỽ ẏma. ẏn cỽn
a gollẏssam ac ẏmborth nẏ all  ̷+
n. kẏrchỽn loegẏr haỽssaf ẏỽ
in ẏmborth ni allỽn ẏno. Ẏn
llaỽen arglỽẏd heb hi a ni a ỽna+
ỽn hẏnnẏ. Y·gẏt ẏ kerdẏssant
parth a|lloẏgẏr. arglỽyd heb
hi pa greft a gẏmerẏ|di arnat
kẏmer un lanỽeith. Ny chẏm  ̷+
eraf i heb ef namẏn crẏdẏaeth
ual ẏ gỽneuthum gẏnt. arglỽ  ̷+
ẏd heb hi nẏt hoff honno ẏ
glanet ẏ ỽr kẏ|gẏnhilet kẏu  ̷+
urd a thẏdi. ỽrth honno ẏd af
ui heb ef. Dechreu ẏ geluẏdẏt
a ỽnaeth a|chẏỽeiraỽ ẏ ỽeith
o|r cordỽal teccaf a gauas
ẏn|ẏ dref. ac ual ẏ dechreus  ̷ ̷+
sant ẏn lle arall dechreu
gvaegeu ẏ|r eskidẏeu o ỽae  ̷ ̷+
geu eureit ẏnẏ oed ouer a
man gueith holl grẏdẏon ẏ
dref ẏ ỽrth ẏr eidaỽ ef e|hun.
a thra geffit ẏ gantaỽ nac
eskit na hossan. ni phrẏnit
ẏ gan ereill dim. a blỽẏn ẏ+
uellẏ a|dreulỽẏss ẏno ẏn|ẏd  ̷
oed ẏ crẏdẏon ẏn dala kẏn  ̷+
uigen a|chẏnghoruẏn ỽrthaỽ.
ac ẏnẏ doeth rẏbudẏeu idaỽ.