LlGC Llsgr. Peniarth 4 (Llyfr Gwyn Rhydderch, rhan 2) – tudalen 17v
Y drydedd gainc
17v
67
neẏnt. ac ẏ uellẏ ẏ buant ẏnẏ
dẏgẏỽẏs ẏỽ kẏtdrefỽẏr racdunt
ac ẏnẏ duunẏssant ar geissaỽ
eu llad. Rẏbud a|doeth udunt
ỽẏnteu a|chlẏbot bot ẏ gỽẏr ac
ẏ brẏt ar eu dienẏdẏaỽ. Prẏderi
heb·ẏ|manaỽẏdan ẏ mae ẏ gỽẏr
hẏnn ẏn mẏnnu ẏn|diuetha. Nẏ
chẏmerỽn inheu* ẏ|gan ẏ taẏogeu
hẏnnẏ aỽn adanunt a|lladỽn.
nac ef heb ẏnteu. cassỽallaỽn a
glẏỽei hẏnnẏ a|e ỽẏr. a|reỽin uẏ ̷ ̷+
dem. Kẏrchu tref arall a ỽnaỽn.
Vẏnt a doethant ẏ deref arall.
Pa geluẏdẏt ẏd aỽn|i ỽrthi heb+
ẏ|manaỽẏdan. ẏr honn ẏ mẏn ̷+
ẏch o|r a|ỽdam heb·ẏ prẏderi. Nac
ef heb ẏnteu gỽnaỽn grẏdẏa+
eth ni bẏd o galhon gan grẏdẏ ̷+
on nac ẏmlad a ni nac ẏmỽara+
uun. Nẏ ỽnn|i dim ẏ ỽrth hon+
no heb·ẏ prẏderi. Mi a|ẏ gỽn heb+
ẏ|manaỽẏdan a mi a|dẏscaf it
ỽniaỽ. ac nit ẏmẏrrỽn ar gẏỽe ̷+
iraỽ lledẏr namẏn ẏ brẏnu ẏn
baraỽt a|gỽneuthur ẏn gueith
ohonaỽ. ac ẏna dechreu prẏnu
ẏ cordỽal teccaf a gauas ẏn|ẏ dref.
ac amgen ledẏr no hỽnnỽ nẏ
phrẏnei ef eithẏr lledẏr guadneu.
a dechreu a ỽnaeth ẏmgedẏmde ̷ ̷+
ithassu a|r eurẏch goreu ẏn|ẏ dref
a pheri guaegeu ẏ|r eskidẏeu ac
euraỽ ẏ guaegeu a sẏnnẏaỽ e|hun
ar hẏnnẏ ẏnẏ gỽẏbu. ac o|r acha ̷ ̷+
ỽs hỽnnỽ ẏ|gelỽit ef ẏn trẏded
68
eurgrẏd. Tra geffit gantaỽ ef
nac eskit na hossan nẏ phrẏnit
dim gan grẏd ẏn ẏr holl dref.
Sef a|ỽnaeth ẏ crẏdẏon adnabot
bot eu hennill ẏn pallu udunt
canẏs ual ẏ|llunẏei uanaỽẏdan
ẏ gueith ẏ gỽniei prẏderi. Dẏuot
ẏ crẏdẏon a|chẏmrẏt kẏnghor. sef
a gausant ẏn eu kẏnghor duunaỽ
ar eu llad. Prẏderi heb·ẏ|manaỽẏ+
dan ẏ mae ẏ guẏr ẏn mẏnnu an ̷ ̷
llad. Pam ẏ kẏmerỽn inheu* hẏn ̷ ̷+
nẏ gan ẏ|taẏogeu lladron heb+
ẏ prẏderi namẏn eu llad oll. Nac
ef heb·ẏ|manaỽẏdan nẏt ẏmla ̷+
dỽn ac ỽẏnt ac nẏ bẏdỽn ẏn llo ̷ ̷+
ẏgẏr bellach. kẏrchỽn parth a|dẏ ̷+
uet ac aỽn ẏ hedrẏch. Bẏ|hẏt bẏn ̷ ̷+
nac ẏ|buant ar ẏ|fford ỽẏnt a|do ̷ ̷+
ethant ẏ dẏuet. ac arberth a|gẏr ̷ ̷+
chẏssant. a llad tan a|ỽnaethant.
a|dechreu ẏmborth a hela a threu ̷ ̷+
laỽ mis ẏ·uellẏ a|chẏnnull eu
cỽn attunt a hela a bot ẏ·uellẏ
ẏno ulỽẏdẏn. a boregueith kẏ ̷ ̷+
uodi prẏderi a manaỽẏdan ẏ
hela. a chẏỽeiraỽ eu cỽn a mẏ ̷ ̷+
net odieithẏr ẏ|llẏs. Sef a|ỽna ̷ ̷+
eth rei o|e cỽn kerdet o|e ỽlaen
a mẏnet ẏ berth uechan oed gẏr
eu llaỽ. ac ẏgẏt ac ẏd|aant ẏ|r
berth kilyaỽ ẏ* gẏflẏm a chegin ̷ ̷+
ỽrẏch maỽr aruthẏr ganthunt
ac ẏmchỽelut at ẏ guẏr. Nessa ̷ ̷+
ỽn heb·ẏ prẏderi parth a|r berth
ẏ edrẏch beth ẏssẏd ẏndi. Nessau ̷ ̷
| « p 17r | p 18r » |