LlGC Llsgr. Peniarth 4 (Llyfr Gwyn Rhydderch, rhan 2) – tudalen 14v
Yr ail gainc
14v
55
don ẏ|r tẏ o|r neill parth. a gỽẏr ẏ ̷+
nẏs ẏ kedẏrn o|r pairth arall. ac
ẏn gẏn ebrỽẏdet ac ẏd eistedẏs ̷+
sant ẏ bu duundeb ẏ·rẏdunt. ac
ẏd ẏstẏnnỽẏt ẏ urenhinaeth
ẏ|r mab. ac ẏna guedẏ daruot
ẏ tangneued galỽ o uendigeid+
uran ẏ mab attaỽ. ẏ gan uen ̷ ̷+
digeiduran ẏ kẏrchaỽd ẏ|mab
at uanaỽẏdan. a phaỽb o|r a|e gu ̷ ̷+
elei ẏn|ẏ garu. E gan uanaỽẏdan
ẏ gelỽis nẏssẏen uab eurossỽẏd
ẏ mab attaỽ. Ẏ mab a aeth attaỽ
ẏn dirẏon. paham heb·ẏr efnis ̷ ̷+
sẏen na daỽ uẏ nei uab
uẏ chỽaer attaf i
kẏn nẏ bei urenhin ar
iỽerdon da oed genhẏf i ẏm ̷+
tirẏoni a|r mab. aet ẏn llaỽen
heb·ẏ bendigeiduran. ẏ mab
a aeth attaỽ ẏn llaỽen. Ẏ duỽ
ẏ dẏgaf uẏg|kẏffes heb ẏnteu
ẏn|ẏ uedỽl ẏs anhebic a gẏfla+
uan gan ẏ tẏlỽẏth ẏ|ỽneuthur
a ỽnaf i ẏr aỽr honn. a|chẏuodi
ẏ uẏnẏd a chẏmrẏt ẏ mab erỽ ̷ ̷+
ẏd ẏ traet a heb ohir na chael
o|dẏn ẏn|ẏ tẏ gauael arnaỽ ẏ ̷+
nẏ ỽant ẏ mab ẏn ỽẏsc ẏ benn
ẏn|ẏ gẏnneu. a fan ỽelas uran+
ỽen ẏ mab ẏn boeth ẏn|ẏ tan. hi
a|gẏnsẏnỽẏs uỽrỽ neit ẏn|ẏ tan
o|r lle ẏd oed ẏn eisted rỽng ẏ deu ̷ ̷
uroder. a chael o|uendigeiduran
hi ẏn|ẏ neill laỽ. a|ẏ tarean ẏ+
n|ẏ llaỽ arall. ac ẏna ẏmgẏuot
56
o baỽb ar hẏt ẏ ty. a llẏna ẏ godỽrỽ
mỽẏhaf a uu gan ẏ·niuer un tẏ.
paỽb ẏn kẏmrẏt ẏ arueu. ac
ẏna ẏ|dẏỽot mordỽẏd tẏllẏon.
guern gỽngỽch uiỽch uordỽẏt
tẏllẏon. ac ẏn ẏd aeth paỽb ẏm ̷ ̷+
pen ẏr arueu. ẏ kẏnhelis bendi+
geiduran uranỽen ẏ·rỽng ẏ
tarẏan a|ẏ ẏscỽẏd. ac ẏna ẏ de ̷+
chreỽis ẏ gỽẏdẏl kẏnneu tan
dan ẏ peir dadeni. ac ẏna ẏ|bẏ ̷+
rẏỽẏt ẏ|kalaned ẏn|ẏ peir ẏnẏ
uei ẏn llaỽn. ac ẏ|kẏuodẏn
tranoeth ẏ bore ẏn
ỽẏr ẏmlad kẏstal a chẏnt ei ̷+
thẏr na ellẏnt dẏỽedut. ac ẏ ̷+
na pan ỽelas efnissẏen ẏ cala ̷ ̷+
ned heb enni ẏn un lle o ỽẏr ẏ ̷+
nẏs ẏ kedẏrn ẏ dẏỽot ẏn|ẏ uedỽl.
Oẏ a|duỽ heb ef guae ui uẏ mot
ẏn achaỽs ẏr ỽẏdỽic honn o|ỽẏr
ẏnẏs ẏ kedẏrn. a meuẏl ẏmi heb
ef onẏ cheissaf i ỽaret rac hẏnn.
ac ẏmedẏrẏaỽ ẏmlith calaned
ẏ gỽẏdẏl. a|dẏuot deu ỽẏdel uonll ̷+
ỽm idaỽ a|ẏ uỽrỽ ẏn|ẏ peir ẏn
rith gỽẏdel. Emẏstẏnnu idaỽ ẏn ̷ ̷+
teu ẏn|ẏ peir ẏnẏ dẏrr ẏ peir ẏn
pedỽar|drẏll. ac ẏnẏ dẏrr ẏ|galon
ẏnteu. ac o hẏnnẏ ẏ bu ẏ meint
goruot a|uu ẏ|ỽẏr ẏnẏs ẏ|kedẏrn.
Nẏ bu oruot o hẏnnẏ eithẏr diang
seithỽẏr a brathu bendigeiduran
ẏn|ẏ troet a|guenỽẏnỽaeỽ. Sef
seithỽẏr a|dienghis. Prẏderi. Ma ̷ ̷+
naỽẏdan. Gliuieu. eil taran. Ta ̷ ̷+
| « p 14r | p 15r » |